Undanfarin tvö ár hefur stór nefnd skipuð öllum helstu Evrópusérfræðingum Noregs (Europautredningen) unnið að allsherjarútekt fyrir norska stórþingið á öllum hliðum EES-samningsins. 

Skýslan verður birt á morgun en Aftenposten þjófstarar málinu á forsíðu blaðsins í dag undir fyrirsögninni: „Demokratisk fiasko for Norge.“

Rétt er að  taka fram að fyrirsögnin er vitaskuld blaðsins en ekki sérfræðingahópsins. 

Sýnt verður frá því í beinni útsendingu þegar skýrslan verður kynnt í Osló á morgun.

Þetta er fyrsta allsherjarúttektin á Evróputengslum Noregs – og þar með Íslands líka – sem fjölmiðlar og stjórnmálamenn í Noregi hafa lengi beðið eftir. 

Ég vann fyrir nefndina og gerði meðal annars úttekt á stöðu og áhrifum EES-samningsins á Íslandi sem finna má hér.