Lauk við Mannorð Bjarna Bjarnasonar í gær. Ærulaus útrásarvíkingur kaupir sér mannorð æruverðs rithöfundar.
.
Sem er að mörgu leyti frábær fantasía.
.
Þetta er sérdeilis áhugavert verk. Og sagan sem Bjarni spinnur er yfirleitt bráðskemmtileg.
.
Bjarni virðist einkum hafa áhuga á fantasíunni sjálfri svo passíurnar um hrunið rísa aldrei í sömu hæðir, eru að mínu mati sístu kaflar bókarinnar.
.
En að samanlögðu er Mannorð afbragðsgóð bók. Og bráðskemmtileg.
.
Er nú kominn fjórðung inn í Lygara Óttars Norfjörðs og orðinn ansi áhugasamur um að sjá hvert sagan stefnir. 
.
Verð þó að viðurkenna að ég er að verða viðþolslaus að klófesta Konuna við þúsund gráður eftir Hallgrím Helgason.
.
Þykir hugmyndin um hina keðjureykjandi kerlingu í bílskúrnum svo heillandi að ég get tæpast beðið eftir að sökkva í hana augunum.
.
Skil ekki af hverju enginn hefur sent mér hana í pósti ;-)