• Stórþjófur komin í öryggismálin

    18. mars 2010

    Fregnir herma að Finnur Ingólfsson einn stórtækasti þjófur Íslands hyggi nú á að skipta um vetfang og fara í öryggismálin.  Hann mun vera meðal álitlegustu tilboðsgjafa í Securitas og nýtur fulltingis Guðjóns Ólafs Jónssonar sem er viðloðandi skiptastjórnina (þessi með hnífasettið í bakinu).

    Ég spái því að Framsókarleiðin verið farinn í þessu máli og að Finnur fái Securitas.  Hann mun vera staurblankur eftir Iceland-air rugið en trúið mér.  Það mun ekki stoppa hann.  Hann fær einhversstaðar lánað út á inngróið tengslanet innan bankanna.

    Ég ætla að leggja mitt lóð á þessar vogarskálar. 

    Ef að Finnur og vinir hans fá Securitas ætla ég að koma á fót vefsíðunni "fokkum.í.finni.is" og hvetja alla og þá meina ég alla viðskiptavini Securitas að snúa viðskiptum sínum annað.  Það er enginn vandi enda á Securitas samkeppnisaðila sem standa sig vel.  Það eina sem dugar í þessu samhengi eru tæki hins frjálsa markaðar.  Upplýstir neytendur.

    Finnur stendur sig reyndar alltaf best þar sem er einokun enda rekur hann eitt slíkt fyrirtæki sem lifir á einhverjum skítadíl sem var gerður við Alfreð Þorseinsson, frægan Framsóknarskálk.




    Krafan er skýr.

    Burt með framsóknarbófana úr íslensku viðskiptalífi!

    Skrifa athugasemd

  • Guðmundur Andri og Ísfólkið

    18. mars 2010

    Guðmundur Andri Thorsson skrifar alveg feykilega góða grein um Iceasave á vefsíðu TMM.  Það er beinlínis mannbætandi að lesa greiningu á þessu ömurlega Icesavemáli sem er laus við upphrópunarmerki og í stikkorðastíl.

    Þetta er risaatriði sem ég hef ekki séð áður:

    Icesavemálið snýst um ábyrgð íslenska ríkisins sem sumir segja að  komi
    íslenskum þegnum ekkert við – það er að segja ríkið: íslenska þjóðríkið
    komið þegnum sínum ekkert við, umboð kjörinna fulltrúa nái ekki til þess
    að gangast undir alþjóðlegar skuldbindingar. Lýðræðið hér á Íslandi sé
    ekki þannig meint. Íslendingar hafi meira kosið fulltrúa á þing til þess
    að láta þá ganga erinda sinna gagnvart öndverðum hagsmunaaðilum gegn
    því að þeir fengju að skara eld að sinni köku.

    Ábyrgðin á Icesaveskuldbingingunum (ekki reikningunum sjálfum, þar verður að kalla til ábyrgðar fyrrverandi framkvæmdastjóra Sjálfstæðisflokksins, Kjartan Gunnarsson) er ríkisins.  Með því að hafna ábyrgð ríkisins er einnig að hafna ábyrgð ríkisins í öllum öðrum málum.

    Þetta snýst um ábyrgð kjósenda þegar öllu er á botnin hvolft. Kjósendur Sjálfstæðisflokksins bera ábyrgð á Sjálfstæðisflokknum.  -Þetta skilja ekki Íslendingar.  Þeir halda að þetta sé einvher skollaleikur þar sem leyfilegt sé að breyta reglunum í miðjum leik.

    Ég hvet alla til að lesa grein Guðmundar.

    Svo hvet ég til þess að Samfylkingin átti sig á annarlegum áætlunum Sjálfstæðisflokks og Framsóknar.  Þessir flokkar eru ekki að fara að skrifa undir neitt.  Þeir eru bara að þreyta stjórnina til örendis.  Þeir munu aldrei skifa undir neitt því með því er hlutdeild þeirra í ábyrgðinni á Icesave staðfest.  Meir að segja inntak hefur inntak Sjálfstæðisflokksins breyst úr frjálshyggjumoði yfir í hreina og beina anstöðu gegn lausn þessa máls.  Andstöðu við alþjóðasamfélagið og hefðbundið "við-erum-Íslendingar-skrum".

    Samfylkingin verður að fara að hætta að mæta með hníf í byssubardaga.  Bretta upp ermarnar og beita sömu meðölum á Sjálfstæðisflokkinn og Framsókn hafa beitt á þjóðina s.l 18 ár. 

    Skrifa athugasemd

  • Vandi heilbrigðiskerfisins...

    18. mars 2010

    Það er ferlega gaman að fylgjast með
    athugasemdunum við þessa umræðu hérna. 
    Í henni fer Ólafur Gunnar Sæmundsson næringarfræðingur í gegnum nokkrar mýtur
    sem varða næringu og heilsu.  Alveg beisikk neytendamál og alltof
    sjaldgæft framtak að sjá svona umfjöllun.



    Viðbrögðin voru hörð.



    Allskonar fólk lagði orð i belg og sagði næringarfræðinginn vera besservisser,
    ruglaður, slæmur fyrir stétt næringarfræðinga, lokaður og hrokafullur. 
    -Þið vitið.  -Þetta helsta.  Einn athugasemdill sagðist fyrst ekki
    hafa trúað grein næringarfræðingsins og talið hana vera eitthvað spaug. 
    Svo fór umræðan eins og venjulega að snúast um aspartam...  Þá komu þessu
    gullkorn sem varpa ljósi á mikið stærri vanda en þvæluna sem viðgengst þegar
    kemur að næringarfræði og heilsumýtum. Tékkið á þessu:



    Athugsaemd:  SA



    "Ég er ekki sammála að Aspartam sé skaðlaust ! Ég er með vefjagigt og
    drakk svakalega mikið af Coke Light og var alltaf mjög slæm í skrokknum.. leið
    og ég hætti því þá lagaðist skrokkurinn...eftir það gerð ég tilraun á sjálfri
    mér og prufaði að fá mér diet drykki og light drykki og fleira sem inniheldur
    Aspartam og alltaf fann ég strax mun á skrokknum.. fékk bakverki og stífna upp
    í fingrum til dæmis.. á meðan ég læt Aspartam í friði þá líður mér mun betur !
    Auðvitað skiptir mataræði og hreyfing miklu máli líka upp á að líða vel í
    skrokknum.. en Aspartam hefur óneitanlega þessi áhrif á mig.. svo er þetta
    auðvitað persónubundið en ég hef heyrt fleiri segja þetta sem eru vanalega
    slæmir fyrir !"



    Þessari athugasemd var HG alveg sammála.



    "Sammála fyrri ræðumanni, ég er ekki sammála því  að aspartam sé
    skaðlaust

    Í mínum augum er það eitur, ég finn líka mun á að neyta vara sem innihalda
    aspartam, fæ mög illt í magann af því, og miðað við hvað ég hef lesið af
    greinum um aspartam, hefur alveg verið rannsakað á mönnum og ekki bara músum,
    varðandi allt hitt er ég nokkuð viss um að það sé allt misjafnt eftir
    fólki.  Sumir hafa líka hraðari brennslu en aðrir"



    Svo mörg voru þau orð.



    Tökum burtu alla þvæluna um aspartam.  Tökum burt rökin með og á móti
    aspartami. Tökum burt að allskonar virtar stofnanir með alvöru vísindamönnum
    hafa sagt efnið skaðlaust meðan eitthvað bréfaskóla-lið segir það eitrað.
    -Tökum þetta burtu.      Þetta
    skiptir engu máli í samhenginu sem ég ætla að draga fram.



    Það sem vakti athygli mína er þessi eindregna fullyrðing SA:  "Ég er
    ekki sammála að aspartam sé skaðlaust !".  Takið eftir orðinu "ég"
    í þessu samhengi.  Ég er ekki samála um að aspartam sé
    skaðlaust". 



    Meinið við þessa setningu að skaðsemi eða skaðleysi aspartams snýst ekkert um
    hvað manni finnst.  Annað hvort er það eitrað eða ekki.  Þetta
    er ekki spurning um smekk eða afstöðu til lífins eða hlutanna í kringum
    okkur. 



    -Þetta er annaðhvort eða spurning.  Maður getur ekkert sagt: Mér finnst tóbasnotkun ekkert krabbameinsvaldandi.  En það eru nákvæmlega sömu rök fyrir þessari setningu og þá með  asprartamið.


    Því miður fyrir suma sem skila ekki heiminn nema í enhverju póstmódernísku moði
    þar sem allt er á floti, allt er leyfilegt, allar skoðanir réttháar og allt
    jafn rétt og það er vitlaust.  Þessar konur sem eru sammála um að aspartam
    sé skaðlegt skal bent á eftirfarandi.  Óteljandi rannsóknir, framkvæmdar
    af hlutlausum aðilum benda allar til þess að aspartam sé skaðlaust.      Vantrú hefur reglulega
    vakið athygli á þvælunni í aspartam-bölsóturum og ég efa að til sé lífsseigari
    mýta i hindurvitnabransanum en hið illa aspartam 



    Ég veit hinsvegar vel að þessar aspartam-konur taka ekkert mark á vísindarannsóknum. 
    Það er alveg sama þótt kæmi í ljós að aspartam væri allra meina bót. 
    Afstaðan er skýr.  Víglínan hefur verið dregin. 

    Það er reyndar alveg kostulegt í innleggi SA að milli þess sem hún kennir
    aspartaminu um allskonar verki og slen, tekur hún fram sérstaklega að samhliða
    neyslustoppi á aspartaminu sé frábært að ástunda leikfimi hverskonar og breytt
    mataræði.



    Halló!!!  Getur verið að það sé hreyfingin og mataræðið sem vegi þyngra en
    aspartamið i dæmi þessarar ágætu konu.  Það sem er svo furðulega skrýtið er að fólk er byrjað að greina sína eigin sjúkdóma eins og ekkert væir eðlilegra.  "Já ég er með vott af þvagsýrugigt á byrjunarstigi".  og það sem allir kannast við. "Ég skráði mig í meðferð í fyrradag".  Ísland er eina landið í heiminum þar sem sjúklingarnir sjáfir skrá sig inn á spítala.  Sjúkdómadekrið er yfirgengilegt.  Nú eru allir með ofnæmi fyrir einhverju.  Hnetum.  Paprikkum, Brauðristum.  Vöflujárnum.  Brauði. Frauði og gólfhliðinni á popppkorninu sem liggur stundum á gólfinu í Bíóhöllinni, áður en er sópað.  Og ég?  Ég mun vera með einhvern sjúkdóm eftir að ég hætti að drekka fyrir 9 árum.  Sjúkdóm sem ég vill ekkert kannast við en er voðlalega vandræðalegt að útskýra fyrir fólki. Það heldur alltaf að ég sé að fara að byrja að drekka ef ég fer út í þá sálma. 

    Hugsar: "A-ha... Hann er núna að þykjast ekkert vera alki og er sennilega að skipuleggja eitthvað rosalegt fyllerí...."

    -o-o-o-o-o-


    Ég skil ekki alveg hvernig fólk hugsar.  Hvað er það sem sviptir fólk
    svona ályktunarhæfninni og meðfæddu viti?  Er það svona spennandi að trúa
    öllu illu upp á "vondu kryddfyrirtækin" eða svoleiðis?  Er þetta
    viðnám gegn nútímanum?  Eitthvað svona: "þessir fræðingar vita nú
    ekki allt".  Er þetta vörn alþýðumenningarinnar gegn alþjóðahyggjunni
    og fræðingaveldinu? 



    Annað dæmi um þetta og jafn skaðlegt eru inngróið vantraust á
    fiskifræðingastéttinni.  Fiskifræðingar segja sem svo að ekki sé æskilegt
    að veiða karfa á Hnökrabugt meðan hann er að hrygna.  Þá klikkar það ekki
    að hundruð neftóbaksfræðinga spretta upp og æpa.  "Hvað vita þessir
    fokkíng fræðingar"  berja sér á lær og halda áfram "þeir hafa
    aldrei migið né skitið í saltan sjó", róa sig aðeins niður og líta fast í
    augun á manni og segja



    "Ég er alveg viss um að karfinn má við frekari veiðum á Hnökrabugt...     Ég er alveg viss um það.  ..Alveg
    hand viss.



    En hverjum skyldi maður nú trúa?  Gimba á Áseyrinni eða teymi af
    ofurmenntuðum liffræðngum sem hafa það að atvinnu að mæla fiskistofna?

     


    Skrifa athugasemd

  • VR félagar athugið !!

    17. mars 2010

    Nú stenda yfir kosningar í VR. Í framboði er L-listi sem býður fram gegn núverandi stjórn.  Hann er í beinum tengslum við Nýtt Ísland sem er vafasamur félagsskapur sem staðið hefur fyrir allskonar lýðskrumi. 

    -Stefnuskrá þessa félags er í meira lagi skuggaleg. 

    Mér líst illa á þennan Lúðvík Lúðvíksson og fylgihnetti hans.  Hann hvorki meira en minna en setti mig prívat og persónulega á STEFNUSKRÁ Nýs Íslands og sagði að samtökin ætluðu að halda mér í námi sem allra lengst eða eitthvað þvíumlíkt. 

    Merkileg samtök og föst fyrir eins og dæmin sanna. 

    Ef það þessi L-listi nær meirihluta í stórn VR væri það álíka og afhenda Sid Vicious og félögum hans lyklana af sumarbústaðnum sínum.  Segja svo: "Sjáumst á mánudagin Sid - Þú gengur frá eftir þig og svoleiðis".  Ef að þetta fólk nær undirtökunum í VR þá þýðir það einhverjar rosa kröfur á atvinnulífið og ríkið sem mun sennilega lama allt samfélagið. Sem er svo sem allt í lagi. 

    -Bara ekki núna í miðri kreppu.

    Ásakanir þessa fólks í garð VR forrustunnar eru barnlegar og hafa verið hraktar.  Allt snérist um eitthver kreditkort sem áttu að vera svo hræðileg og eftir að hafa farið í gengum 3 ára færslur fanst út 10 þúsundkall frá einhverri búð sem heitir Markó Póló (reyndist vera tölvutaska) og þúsundkall á Vitabar (reyndist vera djús fyrir krakka sem voru að leika í augýsingu)

    Ég hvet alla VR félaga að kynna sér málið.  Kynna sér staðreyndir sem við blasa og hlusta ekki á skrumarana í L-listanum.

    Skrifa athugasemd

  • Svínvirkar.

    16. mars 2010

    Þrátt fyrir háan aldur er ég algjör sökker fyrir danstónlist.  Ég kaupi eiginlega alla tónlistina mína frá Beatport og refsa lögunum sem ég kaupi í svona 3 - 4 mánuði.  Þá kaupi ég mér meira.  Konan mín er að verða vitlaus á mér því hún þolir ekki svona tónlist.  Það er svolítið gaman að því að sumt að ég hef fylgst með danstónlist svo lengi að ég þekki orðið þessa tegund ágætlega og heyri strax þegar þessi annars underground tónlist verður vinsæl.  Það er augheyrt að electro house er að troða sér inn í meinstrímið hvað sem svo fólki kann að finnast um það.  Mikið af útsetningum poppdívanna í dag eru nánast hreinræktað electro house.  Rhianna er alveg með þetta og svo þessi leiðinlega Lady Ga Ga. 

    Svo er electróið sjálft að breytast.  Það er að poppast aðeins upp.  Fleiri raddir og krókar.  Þetta er alveg sprelllifandi tegund og gaman að því að Svíar eru eiginlega bestir í þessu. 

    Punkturinn í þessari pælingu minni er þetta lag sem er vinsælt í útvarpinu.

    Þetta er einhver stelpa sem kallar sig Ke$ha. (steikt) en lagið er fínt og svona 85% electro.

    -Svínvirkar

    Skrifa athugasemd