Birta mælir með

Bætt heilsa, betri skemmtun og meiri BIRTA!

1. Kaffivagninn

Grandinn er nýi Laugavegurinn. Á gamla góða Kaffivagninum er hægt að fá flatköku með hangikjöti og fína fiskrétti. Þar eiga heimamenn líka enn svolítið athvarf frá blessuðum túristunum – þó að við elskum þá auðvitað helling (í jöfnu hlutfalli við evrurnar og dollarana).


Mynd: DV / Sigtryggur Ari

2. Sund

Auðveldara aðengi að einstakri heilsubót er varla hægt að finna. Í sundi sameinast útivera, hreyfing og slökun. Allt fyrir örfáar krónur í hvert skipti. Mælum með að keypt séu að minnsta kosti tíu tíma sundkort.

Það fæst niðurgreitt hjá stéttarfélögum.


3. Black Mirror

Frábærir vísindaskáldsöguþættir á Netflix. Hver þáttur er um klukkutíma langur og allar sögurnar eru spunnar út frá áhrifum samfélags- og netmiðla á hegðun okkar og samskipti.

Magnaðir þættir.


4. Hafragraut með eplakökubragði

Blandaðu rifnum eplum eða eplamauki, smá hnetusmjöri og kanil út í hafragrautinn og þú borðar eplaköku í morgunmat.

Algjört sælgæti.


5. LifeFactory drykkjarflöskur úr gleri

Helstu eiginleikar þess að nota vatnsbrúsa úr gleri er sá að gler er náttúruleg afurð og gefur ekki frá sér óbragð sem smitast út í innihaldið. Vatnsbrúsana frá LifeFactory má setja í uppþvottavél og þeir halda vökvanum jafn vel og peli.

Fást hjá Muffintopkiller.is og kosta rúmar 5000 kr.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.