Vatnslosandi heilsudrykkur fyrir nýársdag

Vatnsmelóna er afar hreinsandi fyrir líkamann. Hún er bólgueyðandi, vatnslosandi og full af A- og C-vítamínum en A-vítamín er mikilvægt fyrir augun og húðina. Einnig styrkir A-vítamín frumuhimnurnar og gefur þeim raka sem er mjög styrkjandi fyrir ónæmiskerfið og hressandi eftir áfengisneyslu.

Hér er uppskrift að hreinsandi og vatnslosandi heilsudrykk sem er tilvalinn í blandarann á nýársdag.

INNIHALD

450 g vatnsmelóna, skorin í bita
2 tsk. fersk engiferrót, söxuð
2 tsk. fersk minta, söxuð
Appelsínusafi ef vill, annars vatn eða t.d. kókossafi.

AÐFERÐ

Þeyta melónu, engifer og mintu í blandara. Hella í glas hálfa leið og fylla upp með appelsínusafa ef vill. Þannig verður drykkurinn lagskiptur en það lítur vel út í glasi.

Athugið að víða má kaupa frosna ávexti og vatnsmelóna í heilsudrykk er ekki síðri þótt hún sé keypt frosin.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.