Fjölmiðlar þurfa fleiri konur

Frábær mæting á magnaðan fund um konur og fjölmiðla

Danielle Neben, Marta María Jónasdóttir, Þórey Vilhjálmsdóttir og Hulda Bjarnadóttir.
Danielle Neben, Marta María Jónasdóttir, Þórey Vilhjálmsdóttir og Hulda Bjarnadóttir.

Mæting var til fyrirmyndar á fundi sem Árvakur, FKA og Creditinfo stóðu fyrir miðvikudaginn 4. október. Fundurinn var hluti af fjölmiðlaverkefni sem hófst árið 2013 en tilgangur þess er að vekja athygli á hlutdeild kvenna í fjölmiðlum.

Enn vantar töluvert upp á að sýnileiki kvenna á þessum vettvangi endurspegli samfélagið eins og það er í raun. Á fundinum kom meðal annars fram að ef þróunin héldi áfram með sama hraða og verið hefur undanfarna áratugi mun jöfnu hlutfalli ekki náð fyrr en árið 2095.

Sérlegur heiðursgestur fundarins var Mary Hockaday frá BBC. Hún hefur starfað hjá breska ríkisútvarpinu í rúm 30 ár og leiðir nú þróun og uppbyggingu hjá BBC World Service. Hulda Bjarnadóttir og Danielle Neben hjá FKA, Marta María Jónasdóttir, Haraldur Johanessen og Anna Lilja Þórisdóttir frá Árvakri og Þórey Vilhjálmsdóttir töluðu einnig á fundinum en erindi þeirrar síðastnefndu, sem fjallaði um lekamálið svokallaða, þótti sérlega áhrifamikið.

Fundargestir lögðu glaðir sitt af mörkum og stilltu sér upp þegar ljósmyndari Birtu mætti til leiks enda einróma um að fjölmiðlar ættu að endurspegla raunveruleika samfélagsins.

Mynd: BB

Fundargestum var boðið upp á viðeigandi eldsneyti.
Hvítvínskonur? Fundargestum var boðið upp á viðeigandi eldsneyti.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.