Valur 2-2 Fylkir
1-0 Haukur Páll Sigurðsson(32′)
2-0 Sigurður Egill Lárusson(71′)
2-1 Hákon Ingi Jónsson(75′)
2-2 Emil Ásmundsson(89′)
Íslandsmeistarar Vals mættu Fylki í Pepsi-deild karla í kvöld en liðin áttust við á Hlíðarenda.
Leikur kvöldsins var fjörugur og voru það heimamenn í Val sem gerðu fyrstu tvö mörkin á Origo-vellinum.
Haukur Páll Sigurðsson og Sigurður Egill Lárusson sáu um að koma Val í 2-0 og var útlitið bjart fyrir þá rauðklæddu.
Á 75. mínútu leiksins lagaði varamaðurinn Hákon Ingi Jónsson stöðuna fyrir Fylki og staðan orðin 2-1.
Það var svo Emil Ásmundsson sem jafnaði metin fyrir Fylki á 89. mínútu leiksins með skoti af löngu færi sem kom við í varnarmanni og í netið.
Lokatölur 2-2, frábær úrslit fyrir Fylkismenn sem voru á köflum einfaldlega betra liðið.