Það vakti athygli á fréttamannafundi íslenska landsliðsins í gær er Heimir Hallgrímsson, landsliðsþjálfari, var spurður út í valið á þeim markvörðum sem fara á HM í sumar.
Tengdapabbi Ögmundar Kristinssonar var mættur á svæðið og var ekki pent sáttur með að Ögmundur væri ekki að fara með.
Þeir Frederik Schram, Rúnar Alex Rúnarsson og Hannes Þór Halldórsson fara með Íslandi til Rússlands.
Sérfræðingurinn Hjörvar Hafliðason er sammála því að það sé bull að taka Frederik með á HM frekar en Ögmund.
Ögmundur spilar í mun betri deild eða hollensku úrvalsdeildinni með Excelsior en Frederik er í dönsku B-deildinni.
Hjörvar fór yfir málið á Twitter og segir einnig að þetta sé blaut tuska í andlitið á Antoni Ara Einarssyni, markverði Vals.
Óheppilegt með tengdapabbann en hann hefur mikið fyrir sér.
Hróarskeldu-Frederik er markmaður þriðja lélegasta liðs B-deildar í DK
Hróarskeldu-Frederik hefur aldrei á ævinni spilað leik í efstu deild
En þetta er fyrst og síðast blaut tuska í andlitið á @Pepsideildin og Antoni Ara— Hjörvar Hafliðason (@hjorvarhaflida) 12 May 2018
Ögmundur er að spila í Eredivise sem er eiginlega besta deildarkeppni sem íslenskur keeper hefur spilað í. Hannes(Holland) Árni Gautur (Belgía)
Aldrei átt keeper í Eng,Íta,Spá,Þýa,Fra…..— Hjörvar Hafliðason (@hjorvarhaflida) 12 May 2018
En þriðji markmaður skiptir svo sem engu. Stundum er settur inn skemmtilegur gæi í það verk sem heldur uppi góðum banter. Hannes og Rúnar langbestir. Mögulega hefði Gaui Carra verið góður sem þriðji kostur. Laufléttur banter alla daga í Rússlandi.
— Hjörvar Hafliðason (@hjorvarhaflida) 12 May 2018