Það má með sanni segja að Rúrik Gíslason hafi verið ein af stjörnum Heimsmeistaramótsins hingað til. Rúrik vakti mikla athygli strax frá byrjun og það fyrir útlit sitt.
Konur í Suður-Ameríkur voru sérstaklega áhugasamar um Rúrik og myndi hann vekja mikla athygli ef hann myndi heimsækja Argentínu.
Rúrik mætti á HM með um 30 þúsund fylgjendur á Instagram en er í dag með 1,2 milljón fylgjenda. Stór hluti af því er konur frá Argentínu.
,,Heimsmeistaramótið var mögnuð reynsla, að vera á þessari vegferð með sumum af mínum bestu vinum var enn sérstakara,“ sagði Rúrik á Instagram.
,,Ég vil sérstaklega þakka fólkinu á bakvið tjöldin, þjálfurum, sjúkraþjálfurum og starfsfólki KSÍ. Þetta hefði ekki verið hægt án þess að fólk gæfi allt í þetta.“
Þá segist Rúrik vera á leið í frí en spyr um ráð . ,,Núna er tími fyrir sumarfrí, hvert á ég að fara? Suður-Ameríka virðist vera skemmtilegur áfangastaður.“
Fólk var ekki lengi að svara og vilja flestir fá hann til Argentínu. ,,Við bíðum eftir þér í Argentínu, þú sérð ekki eftir því. Fallegt landslag, skemmtilegt fólk og fullt af stuðningsmönnum þínum,“ skrifar ein stúlka í svari til Rúriks.