,,Ég var gómaður við framhjáhald, ég tapaði 7 milljónum punda og það endaði með skilnaði. Ekki gera sömu mistök Rooney,“ svona hefst grein sem Keith Gillespie, fyrrmu leikmaður Manchester United skrifar í dag.
Ástæðan eru fréttir um Wayne Rooney fyrrum framherja Manchester United, hann er reglulega í fréttum fyrir drykkju sína og daður við aðrar konur.
Rooney er giftur og á fjögur börn með Coleen sem er alveg við það að fá nóg af heimsku hans.
Rooney var handtekinn á flugvelli í Washington í síðasta mánuði en hann var í annarlegu ástandi eftir langt flug.
Samkvæmt enskum miðlum hefur Rooney komið sér í meira vesen og hótar konan hans, Coleen Rooney að fljúga aftur heim. Þau eru búsett í Bandaríkjunum þessa stundina en Rooney samdi við DC United í MLS-deildinni á síðasta ári.
Þeirra hjónaband er í hættu eftir að Rooney hafði fengið sér of mikið í glas á bar og reyndi við afgreiðslustúlku. ,,Þú hefur niðurlægt mig aftur,“ er haft eftir Coleen og er bætt við að hún hafi aldrei verið eins reið út í eiginmann sinn.
Saga Wayne Rooney utan vallar: Fyllerí, kaup á vændiskonum og rothögg
Atvikið átti sér stað í Florida þar sem Rooney gekk á milli skemmtistaða og hellti vel í sig, Coleen hefur fengið nóg af því að hann fari að ræða við kvennfólk í hvert sinn. Nú segja ensk blöð að Coleen sé á leið í frí með börnin þeirra fjögur, fríið var planað áður en Rooney hellt í sig í Florida. Hann hefur beðið hana um að fresta fríinu á meðan þau leysa vandann. Coleen ætlar ekki að gera það enda er hún um það bil að fá nóg af því hvernig Rooney hagar sér alltaf.
Gillespie sem er 43 ára í dag elskaði að fá sér í glas, var spilafíkill og var að halda framhjá. Hann gefur Rooney ráð í dag.
,,Knattspyrnumenn eins og ég, Wayne Rooney virðumst gera hlutina áður en við hugsum, við gerum það sem við viljum og tökum afleiðingum,“ sagði Gillespie.
,,Ég þekki það betur hversu freistandi það er að taka rangar ákvarðanir, þegar þú þénar vel. Þú getur gert allt, líkt og Rooney þá voru kvöldin mörg þar sem við gerðum vitleysu og alltaf með áfengi við hönd.
Gillespie segir að Rooney fái mikla athygli kvenna, hann sé frægur og vel efnaður og konur hafi áhuga á slíku.
,,Wayne fær athygli kvenna þegar hann vill, kvenfólk fellur fyrir þér. Það er hluti af starfinu, það er í góðu lagi ef þú ert á lausu. Konur eru hættulegar fyrir gifta knattspyrnumenn, það vita allir atvinnumenn í fótbolta.“
Hann ráðleggur Rooney að setja fjölskylduna í fyrsta sæti.
,,Þú verður að kunna að taka þessari athygli á réttan hátt. Núna er komið að því að Rooney seti konuna sína og börn í fyrsta sæti. Hann verður að gera hlutina rétt.“
,,Aðeins Rooney veit hvernig staðan er með Coleen og fjölskylduna, hann getur ekki lengur farið á 10 tíma fyllerí, þegar hann á að vera heima hjá sér og vera faðir. Hann þarf að átta sig á því hvað hann er að gera fjölskyldu sinni, þau eru það sem skiptir máli.“
,,Ég tapaði öllu mínu með hegðun minni og Wayne þarf að hætta þessu, annars getur það sama gerst.“
,,WAyne hefur gert mistök í lífinu, hann hefur keypt þjónustu vændiskvenna, hann hefur verið í trekant. Hann er undir sömu athygli og ég var. Hann er sagður vera í vandræðum hjá eiginkonu sinni. Það er ekkert sem segir að Rooney hafi haldið framhjá en hann fór á tíu tíma fyllerí, skömmu eftir að hafa verið handtekinn, hann var líka að keyra fullur í lok árs 2017.“
Gillespie segir að Rooney verði að fara yfir það af hverju hann endar alltaf í blöðunum þegar hann fær sér í glas.
,,Hann er ekki bara einhver Jón Jónsson, hann er heimsfrægur, var fyrirliði Englands og markahæsti leikmaður í sögu landsliðsins.
,,Wayne þarf að passa sig á því hvaða fólk hann er með í kringum sig, fólk vera með honum, hann er ríkur og frægur. Hann þarf að gera breytingar í lífi sínu. Það er ekki of seint fyrir Wayne.“
