Viðar Halldórsson, formaður FH var mættur í pontu á ársþingi KSÍ þar sem hann fór yfir sviðið. Hann kallar eftir meira samstarfi í fótboltanum á Íslandi.

Hann vill að félögin fái meira að segja um þær ákvarðanir sem KSÍ tekur en kosið verður til formanns á þinginu í dag. Geir Þorsteinsson, fyrrum formaður reynir að fá starfið aftur en Guðni Bergsson, sitjandi formaður.

,,Við þurfum að vinna meira og betur saman,“ sagði Viðar í ræðu sinni en hann er þekktur fyrir að segja sína skoðun á svona þingum.

Ein helsta gagnrýnin á störf KSÍ, síðustu ár er að félögin fái ekki næga athygli KSÍ, þau vilja hafa meira um málin að segja.

,Við höfum því miður ekki náð því. Ég er í samtökum í Evrópu sem hafa verið í samstarfi og umræðum við UEFA, þar hafa hlutirnir gerst hægt og rólega, það hefur orðið til þess að þáttaka félagana í stefnumótun UEFA hefur orðið meiri og betra. UEFA gerir sér grein fyrir því að hjartað í fótboltanum er félögin í hverju landi fyrir sig

,,Stefnumótin sem er af hinu góða, það þarf að auka þátttöku félaganna í þeirri umræðu. Hvert ætlum við og hvað viljum við? Við sem félög látum vita af því, það sé ekki eingöngu ákveðið í Laugardalnum. Það eru fleiri staðir á landinu en Laugardalur.“

Viðar þakkaði fyrir góðan ársreikning KSÍ en honum misbauð fyrir ári síðan.

,,Ég vil þakka fyrir góðan ársreikning, ársreikningurinn í fyrra var vitlausasti ársreikningur sem ég hef séð á ævi minn. Ég þakka fyrir vel uppsettan ársreikning.“

,,Endurgreiðsla á vaski, stjórn knattspyrnusambandsins setur áherslu á það mál. Það verður okkur öllum til góða“

Viðar benti á það hugmyndir um nýjan Laugardalsvöll væru kannski helst til of bjartsýnar og miklar.