fbpx
Laugardagur 23.febrúar 2019
433Sport

Blaðamaður Morgunblaðsins segir tíma Geirs liðinn: ,,Gerði margt gott og miður gott“

Hörður Snævar Jónsson
Föstudaginn 8. febrúar 2019 09:53

Ekki missa af Helstu tíðindum dagsins í pósthólfið þitt

Lesa nánar

Guðmundur Hilmarsson, blaðamaður á Morgunblaðinu skrifar áhugaverðan bakvörð í Morgunblaðinu í dag. Þar fer hann yfir Geir Þorsteinsson, heiðursformann KSÍ og baráttu hans við Guðna Bergsson.

Kosið verður til formanns KSÍ á morgun, Geir sækist eftir kjöri, tveimur árum eftir að hafa hætt. Hann vill snúa aftur en Guðni Bergsson tók við starfi hans.

Allt bendir til þess að Guðni fari með sigur af hólmi en Geir hefur reynt að koma höggi á hann.

,,Ekki meir Geir! Þetta er fræg fyrirsögn sem birtist hér í þessu ágæta blaði fyrir nokkrum árum og hefur af og til „dúkkað“ upp við ýmis tækifæri. Kannski á þessi fyrirsögn við þann litla stuðning sem Geir Þorsteinsson virðist njóta á meðal aðildarfélaga KSÍ í komandi formannskosningum KSÍ sem fara á ársþingi þess sem haldið verður á morgun,“ skrifar Guðmundur í Morgunblaðinu.

,,Geir, sem var skipaður heiðursformaður KSÍ eftir að hann steig til hliðar á síðasta ársþingi
eftir 10 ára setu í formannsstólnum á, ef marka má þessa könnum, enga möguleika á að skjóta Guðna ref fyrir rass. Ég tel þó að munurinn verði ekki eins mikill og þessi skoðanakönnun gefur til kynna þegar talið verður upp úr kössunum.“

Guðmundur er þeirrar skoðunnar að tími Geirs í forystu KSÍ sé hreinlega á enda.

,,Ég tel tíma Geirs sem formanns KSÍ einfaldlega liðinn. Hann gerði margt gott og líka miður gott þann langan tíma sem hann sat í formannsstólnum. Guðni á að mínu viti að fá tækifæri til að halda starfi sínu áfram þar sem honum tekst vonandi að efla hag íslenskrar knattspyrnu sem allra mest og virkja þá krafta sem til staðar eru.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 2 dögum

Stórstjarna viðurkennir gróft og mikið framhjahald: ,,Fyrirgefðu elsku fjölskylda”

Stórstjarna viðurkennir gróft og mikið framhjahald: ,,Fyrirgefðu elsku fjölskylda”
433Sport
Fyrir 2 dögum

Elías hetjan í Meistaradeildinni

Elías hetjan í Meistaradeildinni