fbpx
Laugardagur 23.febrúar 2019
433Sport

Labbar Alfreð eins og kóngur um Augsburg í dag? ,,Þjóðverjinn heldur aftur að sér nema að hann sé kominn í glas“

Hörður Snævar Jónsson
Mánudaginn 4. febrúar 2019 09:40

Ekki missa af Helstu tíðindum dagsins í pósthólfið þitt

Lesa nánar

Alfreð Finnbogason framherji Augsburg var í stuði í gær þegar liðið mætti Mainz í þýsku úrvalsdeildinni.

Alfreð skoraði þrennu í leiknum og hefur nú skorað fjórar þrennur í þessari sterkur úrvalsdeild.

,,Ég tek þessu fagnandi, þetta byrjar vel eftir þrítugt. Ég get ekki kvartað,“ sagði Alfreð í Brennslunni á FM957 í dag, sem varð þrítugur á föstudag og það byrjar vel að komast á fertugsaldurinn.

Alfreð skoraði fyrstu tvö mörkin úr vítaspyrnum en þriðja markið var afar snyrtilega gert.

,,Það var mjög gott liðsmark, þetta var kærkomið. Við vorum ekki búnir að vinna tíu leiki í röð, það voru læti í klúbbnum fyrir leik. Tveimur leikmönnum hent út og nýr aðstoðarþjálfari, griðarlega mikilvægur sigur.“

Smelltu hér til að sjá mörk Alfreðs í leiknum

Ríkharð Óskar Guðnason spurði Alfreð um það hvort hann myndi labba um göturnar í Augsburg í dag og allir myndu vilja spjalla við hann.

,,Þjóðverjinn er eins og Íslendingurinn, heldur aftur að sér nema að hann sé kominn í glas. Þá segja þeir allt sem þeir vilja segja, á Spáni og Grikklandi komu allir upp að þér og sögðu það sem þeir vildu. Það þekkja allir þessa tuttugu leikmenn í bænum, það er bara eitt lið hérna.“

Jens Lehmann varð aðstoðarþjálfari liðsins í vikunni, reynslumikill markvörður sem náði langt. Hann las aðeins yfir framherjanum í gær í hálfleik.

,,Hann er að koma sterkur inn, á fyrstu æfingu var hann óhræddur við að segja það sem honum finnst. Hraðinn og gæðin hækkuðu um nokkur prósent eftir að hann kom inn, hann kom með einföld fyrirmæli fyrir mig í hálfleik í gær og sagði mér að hlaupa meira, allir voru að klappa mér á bakið eftir mörkin í tvö en hann á greinilega að vera vonda löggan, sem er gott.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 2 dögum

Stórstjarna viðurkennir gróft og mikið framhjahald: ,,Fyrirgefðu elsku fjölskylda”

Stórstjarna viðurkennir gróft og mikið framhjahald: ,,Fyrirgefðu elsku fjölskylda”
433Sport
Fyrir 2 dögum

Elías hetjan í Meistaradeildinni

Elías hetjan í Meistaradeildinni