Thierry Henry, fyrrum leikmaður Arsenal, var nálægt því að ganga í raðir Real Madrid frá Monaco árið 1999.
Þetta segir fyrrum forseti Real, Lorenzo Sanz en Henry var búinn að skrifa undir samning við félagið.
Það var pabbi Henry sem stöðvaði svo félagaskiptin en hann var hræddur við foreta Monaco sem vildi ekki hleypa leikmanninum þangað.
,,Henry var að spila fyrir Monaco og við sannfærðum hann um að koma til okkar og hann skrifaði undir samning,“ sagði Sanz.
,,Þegar hann var kominn upp í vél á leið til Madrídar þá sagði faðir hans að hann gæti ekki farið, því hann væri hræddur við forseta Monaco.“
,,Ég sagði honum að hafa engar áhyggjur, að ég myndi sjá um málið. Hann var svo einbeittur að neikvæðninni að það endaði á að skemma allt fyrir okkur. Samningur Henry var skilinn eftir í skúffunni minni.“
