Maxi Lopez, fyrrum leikmaður Barcelona, er í veseni þessa dagana en hann fær ekki að hitta börnin sín. Lopez á tvö börn með fyrrum eiginkonu sinni Wanda Nara en hún er í dag gift framherja Inter Milan, Mauro Icardi. Icardi og Lopez voru samherjar hjá Sampdoria á sínum tíma og ákvað Wanda að skilja við Lopez svo hún gæti verið með Icardi.

Lopez spilar í Brasilíu með Vasco da Gama í dag en Icardi og Wanda leyfa honum að vera í mjög takmörkuðu sambandi við börnin.

Icardi og Wanda hafa nú þegar eignast eitt barn saman en þau ala upp börn Lopez á Ítalíu. Icardi er alls enginn aðdáandi Lopez og vill ekki að hann sé í sambandi við eigin börn.

Icardi og Lopez voru góðir vinir á sínum tíma áður en allt fór til fjandans utan vallar.

,,Ég hef alltaf reynt að láta lítið af mér berast vegna barnanna. Það hefur alltaf verið markmiðið svo börnin geti ekki gagnrýnt mig þegar þau verða eldri,“ sagði Lopez.

,,Ég hef alltaf staðið fyrir því að vernda börnin mín. Ég svara aðeins fyrir mig þegar það er ráðist á mig.“

,,Nú fæ ég ekki að hitta börnin. Stundum fæ ég ekki einu sinni að tala við þau í gegnum síma.“

,,Ég sá þau síðast í desember. Fyrir utan það þá hitti ég þau aðeins í nokkra klukkutíma í janúar þegar ég bað félagið um leyfi.“

,,Samband mitt við Wanda er erfitt, það er engin tenging. Í mörg ár þá töluðum við aðeins saman í gegnum lögfræðinga.“

,,Mauro er með sama viðhorf og hún og stundum er það verra. Það er ástæðan fyrir því að ég er í engu sambandi við hann.“

,,Hann hagar sér alltaf eins. Ég sagði honum að reyna að skilja ákveðna hluti þegar hann varð farið en hann gerði það ekki.“

,,Í gær átti sonur minn afmæli og þau réðust á mig í gegnum símann. Hvernig samband geturðu átt við svona fólk?“