Það er áhugaverður slagur í ensku úrvalsdeildinni á sunnudag þegar Liverpool heimsækir Manchester United klukkan 14:05.
Leikir þessara granna eru oftar en ekki mikil skemmtun, Liverpool berst um sigur í deildinni á meðan United reynir að ná Meistaradeildarsæti.
Ekki er búist við því að Alexis Sanchez muni spila frá byrjum enda hefur kappinn verið einn fárra sem hefur ekki notið sín undir stjórn Ole Gunnar Solskjær.
Sanchez er launahæsti leikmaður liðsins og hver mínúta sem hann hefur spilað í ár hefur kostað vel. Þannig segja ensk blöð að Sanchez hafi fengið 16 þúsund pund á hverja mínútu á þessu tímabili.
Um er að ræða 2,5 milljón sem United hefur borgað Sanchez fyrir hverja mínútu sem hann hefur spilað í ensku úrvalsdeildinni. Sanchez hefur spilað 615 mínútur í deildinni.
Sanchez hefur verið í rúmt ár hjá United en hann gæti farið í sumar ef frammistaða hans batnar ekki.