Cristiano Ronaldo, leikmaður Juventus, sneri aftur til Spánar í gær til að leika við Atletico Madrid.
Ronaldo er þekktastur fyrir tíma sinn á Spáni en hann var magnaður fyrir granna Atletico í Real Madrid.
Það mátti búast við að Ronaldo fengi harðar móttökur í kvöld og var það svo sannarlega niðurstaðan.
Atletico vann leikinn að lokum 2-0 og er í mjög góðri stöðu fyrir seinni leikinn á Ítalíu.
,,Borgaðu skattana þína,“ öskruðu stuðningsmenn Atletico á Ronaldo en hann hefur verið ákærður fyrir skattsvik.
Ronaldo heyrði þessi köll stuðningsmanna Atletico og minnti þá á hversu sigursæll hann hefur verið. Portúgalinn hélt uppi fimm puttum og benti á hversu oft hann hefur unnið Meistaradeildina á ferlinum.
Hann hélt svo áfram eftir leik og minnti fréttamenn á sinn magnaða árangur. ,,Ég hef unnið Meistaradeildina fimm sinnum, Atletico aldrei,“ sagði Ronaldo hrokafullur.
Atvikið má sjá hér að neðan.