Það er óttast um miðjumanninnn Sami Khedira þessa stundina en hann spilar með Juventus á Ítalíu.
Khedira er fyrrum leikmaður Real Madrid en hann var skilinn eftir heima er Juventus ferðaðist til Spánar í dag.
Juventus spilar við Atletico Madrid á morgun en um er að ræða leik í Meistaradeild Evrópu.
Í kvöld er greint frá því að Khedira hafi verið greindur með óreglulegan hjartslátt og er ferillinn mögulega í hættu.
Max Allegri, stjóri Juventus, vildi ekki tjá sig mikið um málið en félagið mun gefa út tilkynningu bráðlega.
Khedira verður áfram á Ítalíu og mun fara í fleiri rannsóknir en möguleiki er á að ferillinn sé búinn.