John Toshack, fyrrum þjálfari Real Madrid, ásakar landa sinn Gareth Bale um að sýna liðinu óvirðingu.
Bale hefur verið hjá Real í heil sex ár en þrátt fyrir það þá kann hann varla að tjá sig á spænsku og hefur ekki viljað læra tungumálið.
Það fer illa í marga stuðningsmenn Real og getur skapað vandræði á milli hans og liðsfélaga.
,,Þegar þú semur við erlent lið þá þarftu að sýna stuðningsmönnum virðingu og tala tungumálið sem er notað. Bale þarf að reyna,“ sagði Toshack.
Bale gæti verið að kveðja Real í sumar en hann hefur ekki spilað mikilvægt hlutverk á þessu tímabili.