Kevin Prince Boateng spilaði með liði Barcelona í gær er liðið mætti Real Valladolid í spænsku úrvalsdeildinni.
Boateng gekk í raðir Barcelona í janúarglugganum en hann kom til félagsins frá Sassuolo á Ítalíu.
Hann átti alls ekki góðan dag í gær en Boateng þótti spila hörmulega í 1-0 sigri Barcelona þar sem Lionel Messi skoraði eina mark leiksins.
Boateng fékk þó verri fréttir eftir leikinn en brotist var inn til hans á meðan hann spilaði leikinn.
Glæpamenn brutust inn á heimili leikmannsins og tókst að yfirgafa svæðið með rándýra hluti í eigu miðjumannsins.
Samkvæmt lögregluskýrslu tóku glæpamennirnir hluti sem kostuðu allt að 250 þúsund pund. Ekki er gefið upp hverju var stolið að svo stöddu.
Lögreglan rannsakar nú málið en enginn hefur verið handtekinn eins og staðan er.
