Íslenskt íþróttaáhugafólk á flest sitt lið í enskum fótbolta, íslenskir íþróttafréttamenn eru þar engin undantekning. Íslenskir íþróttafréttamenn endurspegla í raun landslagið í þjóðfélaginu, flestir hallast að rauða litnum og skiptast jafnt á milli stórliðanna á Englandi, Manchester United og Liverpool.
30 íþróttafréttamenn eru skráðir í samtök íþróttafréttamanna en með krókaleiðum var hægt að finna út úr því með hvaða liðum á Englandi 28 einstaklingar halda. Ekki var hægt að grafa upp hvaða liPáll Hilmar Ketilsson hjá Víkurfréttum og Ívar Benediktsson á Morgunblaðinu styðja.
Skærasta stjarnan heldur með United
Manchester United, sem hefur unnið efstu deild á Englandi oftast, á ellefu stuðningsmenn í röðum íþróttafréttamanna á Íslandi. Helst ber þar að nefna Guðmund Benediktsson, einn frægasta núlifandi Íslendinginn. Þá hefur Arnar Björnsson ekki náð sínu í gegn í uppeldinu því dóttir hans, Kristjana Arnarsdóttir, heldur með United, Arnar er á öðrum báti. Þá er foringinn sjálfur, Henry Birgir Gunnarsson, stuðningsmaður rauðu djöflanna. Stuðningsmenn United hafa lifað í vonleysi eftir að Sir Alex Ferguson hætti en Guðmundur Hilmarsson á Morgunblaðinu er einn af þeim sem trúa að Ole Gunnar Solskjær geti fært stuðningsmönnum félagsins von í brjósti.
Bítlaborgin heillar marga
Það eru ellefu í röðum íþróttafréttamanna sem halda með Liverpool, Bítlaborgin heillar jafn marga og United. Liverpool er líka sögufrægt félag sem var afar sigursælt á árum áður, líklegt er að titlarnir fari að koma aftur undir stjórn Jurgens Klopp. Hörður Magnússon, sem hefur verið vinsæll í starfi til fjölda ára, heldur með Liverpool. Magnús Már Einarsson, sem er manna fróðastur um leikinn fagra, heldur einnig með Liverpool. Stuðningsmenn Liverpool hafa gjarnan mikla ástríðu fyrir félagi sínu, þeir eru vongóðir um að 29 ára eyðimerkurganga í efstu deild Englands taki enda í ár.
Einir á báti
Fimm íþróttafréttamenn á Íslandi eru einir á báti, þannig hefur Arnar Björnsson alla tíð haldið með Leeds, það hefur oftar en ekki tekið á, en á síðustu árum hefur liðið verið í vandræðum. Víðir Sigurðsson, sem er afar virtur blaðamaður og hefur lengi verið í bransanum, heldur með Derby. Einar Örn Jónsson á RÚV styður Arsenal og Andri Yrkill Valsson styður Newcastle. Óskabarn þjóðarinnar, Haukur Harðarson og Edda Sif Pálsdóttir , urðu svo fyrir áhrifum Eiðs Smára Guðjohnsen og styður Chelsea.
Manchester United:
Henry Birgir Gunnarsson (Sýn)
Guðmundur Benediktsson (SÝN)
Tómas Þór Þórðarson (SÝN)
Elvar Geir Magnússon (Fótbolti.net)
Guðmundur Hilmarsson (Morgunblaðið)
Hörður Snævar Jónsson (433.is)
Ingvi Þór Sæmundsson (Fréttablaðið)
Kristjana Arnarsdóttir (RÚV)
Sindri Sverrisson (Morgunblaðið)
Ástrós Ýr Eggertsdóttir (Manchester United)
Kristján Jónsson (Morgunblaðið)
Liverpool:
Bjarni Helgason (Morgunblaðið)
Guðjón Guðmundsson (Sýn)
Hafliði Breiðfjörð (Fótbolt.net)
Hörður Magnússon (Sýn)
Magnús Már Einarsson (Fótbolti.net)
Þorkell Gunnar Sigurbjörnsson (Liverpool)
Valur Páll Eiríksson (RÚV)
Kristinn Páll Teitsson (Fréttablaðið)
Hjörvar Ólafsson (Fréttablaðið)
Eiríkur Stefán Ásgeirsson (Sýn)
Óskar Ófeigur Jónsson (Sýn)
Chelsea:
Haukur Harðarson (RÚV)
Edda Sif Pálsdóttir (RÚV)
Leeds:
Arnar Björnsson (Sýn)
Arsenal:
Einar Örn Jónsson (RÚV)
Newcastle:
Andri Yrkill Valsson (Morgunblaðið)
Derby County:
Víðir Sigurðsson (Morgunblaðið)
