Ian Wright, fyrrum leikmaður Arsenal, fékk ljót skilaboð á samskiptamiðlum í gær.
Wright er í guðatölu hjá flestum stuðningsmönnum Arsenal en hann var frábær fyrir liðið á sínum tíma.
Hann sá Tottenham vinna Borussia Dortmund 3-0 í gær og hrósaði liðinu fyrir frammistöðuna.
Það er mikill rígur á milli Tottenham og Arsenal og fékk Wright mikið hatur eftir hrósið.
,,Ég fékk viðbjóðslegt áreiti þar sem var efast um ást mína fyrir Arsenal því ég hrósaði frábærri frammistöðu Tottenham er klikkað. Það vantar meiri ást,“ sagði Wright.
Tottenham stóð sig virkilega vel á Wembley í gær og er í góðri stöðu fyrir seinni leikinn í 16-liða úrslitum Meistaradeildarinnar.