Vital Nizigiyimana, er ekki knattspyrnumaður sem margir hafa heyrt um en saga hans er áhugaverð. Fyrir nokkrum mánuðum bjó Nizigiyimana á götunni en í dag er hann atvinnumaður í fótbolta.
Nizigiyimana er 22 ára gamall en hann var á vondum stað í lífinu, rangar ákvarðanir höfðu komið honum þangað.
,,Ég var ungur og byrjaði að taka heimskulegar ákvarðanir,“ sagði Nizigiyimana um þann stað sem hann var á.
Nizigiyimana átti ekkert, hann átti einn bakpoka með fötum, var í tveimur vinnum og þurfti að sjá um yngri bróðir sinn. Fótboltinn sem alltaf hefur átt hug hans sat á hakanum.
Hann hefur hins vegar mikla hæfileika og það tryggði honum samning hjá Forward Madison FC í Bandaríkjunum. Liðið leikur þar í næst efstu deild, hann fór á reynslu fyrir áramót ásamt fjölda leikmanna. Nizigiyimana var sá eini sem fékk samning.
,,Við bjuggum út á götu, þar þurftum við að sofa,“ sagði Nizigiyimana sem er þakklátur fyrir tækifærið.