Wayne Rooney, fyrrum fyrirliði Manchester United, komst í fréttirnar í síðasta mánuði eftir ölvun á almannafæri.
Rooney var handtekinn á flugvelli í Washington en hann var í annarlegu ástandi eftir langt flug.
Samkvæmt enskum miðlum hefur Rooney komið sér í meira vesen og hótar konan hans, Coleen Rooney að fljúga aftur heim.
Þau eru búsett í Bandaríkjunum þessa stundina en Rooney samdi við DC United í MLS-deildinni á síðasta ári.
Þeirra hjónaband er í hættu eftir að Rooney hafði fengið sér of mikið í glas á bar og reyndi við afgreiðslustúlku.
,,Þú hefur niðurlægt mig aftur,“ er haft eftir Coleen og er bætt við að hún hafi aldrei verið eins reið út í eiginmann sinn.
Rooney virðist vera í vandræðum með áfengi en hann hefur skemmt sér mikið síðan MLS-deildin fór í pásu.
Coleen hótar nú að flytja aftur til Englands með börnin en hún hefur fengið sig fullsadda af hegðun Rooney.
Saman eiga þau þrjá syni, þá Kit, Klay og Kai en þau hafa verið gift frá árinu 2008.