Það er eðlilegt að knattspyrnumenn fái krampa í leikjum en leiktími í hvert skipti er yfir 90 mínútur.
Eins og margir vita eiga leikmenn það til að liggja í grasinu í síðari hálfleik og reyna að losna við slæman krampa.
Nú eru sumir leikmenn byrjaðir að drekka gúrkusafa sem á að hjálpa til við að endast allan leikinn.
Lucas Torreira, leikmaður Arsenal, drakk þann drykk um helgina er Arsenal vann 2-0 sigur á Chelsea.
Fleiri stjörnur eru byrjaðir að taka upp á þessu og má nefna tenniskappann Frances Tiafoe sem og aðra knattspyrnumenn á Englandi.
Safinn þykir alls ekki vera góður á bragðið en hjálpar leikmönnum að jafna sig í miðjum leik.
Hann kemur ekki í veg fyrir krampa en sársaukinn er mun minni. Drykkurinn hefur verið í notkun hjá íþróttamönnum frá árinu 2009 en hefur ekki verið vinsæll hjá knattspyrnumönnum.