Gylfi Þór Sigurðsson hefur oft spilað betur en í dag er Everton heimsótti Southampton í ensku úrvalsdeildinni.
Everton þurfti að sætta sig við 2-1 tap á St. Mary’s en liðið lenti tveimur mörkum undir snemma í seinni hálfleik.
Undir lok leiksins þá lagaði Gylfi þó stöðuna fyrir gestina með laglegu marki.
Það reyndist þó of seint fyrir þá bláklæddu sem hafa tapað þremur af síðustu fimm leikjum sínum.
Gylfi lagði boltann laglega í hornið við vítateigslínuna en því miður dugði það ekki til.