Crystal Palace er að reyna að ganga frá samningi við Lucas Perri, markverði sem er í dag hjá Sao Paulo í Brasilíu.
Perri er 21 árs gamall og hefur gefið af sér gott orð, Palace vill sjá hvort hann geti slegið í gegn á Englandi.
Roy Hodgson, stjóri Palace vill fá Perri á láni frá Sao Paulo til að byrja með. Palace vill svo versla hann á um 4 milljónir punda ef hann stendur sig.
ESPN fjallar um málið en Palace er að berjast fyrir lífi sínu í ensku úrvalsdeildinni og leitar leiða til að styrkja liðið sitt.
Vicente Guaita er frá vegna meiðsla en hann tognaði um síðustu helgi á kálfa þegar Palace tapaði gegn Watford, í ensku úrvalsdeildinni. Perri mun hlaupa í skarðið fyrir hann.
Wayne Hennessey er því fyrsti markvörður Palace í dag en hann gæti misst stöðuna sína til Perri sem er mikið efni.