Umboðsmenn eru stundum kallaðir krabbamein í fótboltanum en þeir passa upp á hagsmuni skjólstæðinga sína. Oft er félögum illa við umboðsmenn sem fara oft fram með hörku.
Umboðsmennirnir eru misjafnir eins og þeir eru margir, sumir hafa ná að verað vel efnaðir í starfi sínu.
Þeim hefur tekist að fá skærustu stjörnurnar í sitt teymi og náð að selja þá fyrir háar fjárhæðir. Það hefur gefið vel í aðra hönd.
Hér að neðan er samantekt um fimm áhrifamestu umboðsmennina í fótboltanum.
5. Pini Zahavi
Kaupsýslumaðurinn frá Ísrael hefur lengi verið að en hann er 75 ára gamall. Er frægastur fyrir að hjálpa Roman Abramovich að kaupa Chelsea og koma svo leikmönnum til félagsins. Hann vann mikið með West Ham og kom Rio Ferdinand til Leeds og þaðan til Manchester United. Er í dag að sjá um mál Robert Lewnadowsi og hjálpaði Neymar að komast til PSG. Hefur þénað svakalega.
4. Kia Joorabchian
Einn sá umdeildasti í bransanum, leikmenn undir hans stjórn fara oft harkalega fram til að koma sínu í gegn. Er með Philippe Coutinho sem fór frá Liverpool til Barcelona fyrir 142 milljónir punda fyrir ári síðan. Er með Carlos Tevez, Oscar, David Luiz og fleiri á sínum snærum.
3. Mino Raiola
Einn sá umtalaðasti, er með Paul Pogba, Zlatan Ibrahimovic og fleiri á sínum snærum. Kann svo sannarlega að sækja sér aur og fékk um 24 milljónir punda þegar Paul Pogba fór til Manchester United árið 2016. Hefur þénað ótrúlega á ferli sínum og er ekki hættur.
2. Jonathan Barnett
Eigandi Stellar Group sem er einn stærsta skrifstofan í leiknum, eru með Gareth Bale, Luke Shaw, Jesse Lingard og Jordan Pickford. Þá er Stellar með Gylfa Þór Sigurðsson og Jóhann Berg Guðmundsson á sínum snærum. Barnett vill lítið vera í sviðsljósinu.
1. Jorge Mendes
Cristiano Ronaldo og Jose Mourinho hafa fært honum gull, Mendes er sá umboðsmaður sem hefur mestu áhrifin í fótboltanum. Er einnig með David de Gea, James Rodriguez og Diego Costa sem hafa gefið honum vel. Er með sérstakan samning við Wolves sem hefur gefið honum vel.