fbpx
Miðvikudagur 20.febrúar 2019
433Sport

Rúnar upplifði skrautlega tíma í Belgíu: ,,Lönd sem maður hafði ekki heyrt talað um áður“

Victor Pálsson
Sunnudaginn 13. janúar 2019 07:00

Ekki missa af Helstu tíðindum dagsins í pósthólfið þitt

Lesa nánar

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Gestur þáttarins að þessu sinni er Rúnar Kristinsson, leikjahæsti landsliðsmaður í sögu Íslands.

Rúnar var lengi leikmaður Lokeren í Belgíu en hann spilaði með liðinu frá 2000 til 2007.

Tíminn hjá Lokeren var ansi skrautlegur en Rúnar vann með mörgum þjálfurum og mörgum mismunandi leikmönnum.

Hann segir að stemningin hafi verið sérstök hjá félaginu en margir leikmenn töluðu ekki sama tungumál.

,,Það var dálítið merkilegt, sérstaklega þegar maður kemur fyrst. Við vorum 24 eða 25 leikmenn inni í búningsklefanum,“ sagði Rúnar.

,,Þegar maður mætir þá er meira en helmingurinn dökkur á hörund og við hinir hvítir og þessir hvítu voru Belgar, Íslendingar og svo voru einhverjir Serbar og Króatar þarna.“

,,Svo voru leikmenn frá ólíkustu Afríkuþjóðum, Gíneu, Fílabeinsströndinni og Burkina Faso, lönd sem maður hafði ekki heyrt talað um áður.“

,,Það voru alls kyns leikmenn þarna og þeir töluðu meira og minna allir frönsku. Mér þótti það mjög gaman.“

,,Eins og stemningin er oft í búningsklefum, menn eru að kjafta saman og bulla í hvor öðrum og það eru ekkert alltaf viturlegar samræður.“

,,Maður lærði svona eitt og eitt orð í frönsku og maður gat bullað í strákunum frá Afríku því þeir kunnu ekkert nema frönsku. Maður lærði eitt og eitt orð og eina og eina setningu.“

,,Maður gat spjallað aðeins við þá og það var gaman að kynnast þeirra menningarheim, hvernig þeir hugsa og hvað þeir gera eftir æfingar og annað slíkt. Þetta fer í reynslubankann og mér þótti þetta mjög gaman.“

Meira:
Stjörnuprýtt lið Liverpool vildi fá Rúnar: ,,Þá ákvað ég að ég vildi ekki fara þangað“
Eigandinn var með ranghugmyndir:,,Einráður, á fullt af peningum og er með metnað“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Sverrir heldur með Liverpool: Svona er leikdagur hjá honum – Þakklátur konunni fyrir að nenna að vera gift honum

Sverrir heldur með Liverpool: Svona er leikdagur hjá honum – Þakklátur konunni fyrir að nenna að vera gift honum
433Sport
Í gær

Hvítur miðaldra fréttamaður: ,,Hann er stór, svartur og hugrakkur“

Hvítur miðaldra fréttamaður: ,,Hann er stór, svartur og hugrakkur“
433Sport
Í gær

Brask Arnars og félaga sprakk í andlitið á þeim: ,,Alltaf einn trúður sem tekur þetta að sér”

Brask Arnars og félaga sprakk í andlitið á þeim: ,,Alltaf einn trúður sem tekur þetta að sér”
433Sport
Í gær

Handtekinn fyrir ölvunarakstur – Sagðist vera að flýja glæpamenn

Handtekinn fyrir ölvunarakstur – Sagðist vera að flýja glæpamenn