Juan Mata, leikmaður Manchester United, er gull af manni og eru ekki margir íþróttamenn eins auðmjúkir.
Mata komst í fréttirnar árið 2017 er hann setti upp góðgerðarsamtökin ‘Common Goal’.
Mata byrjaði þá að gefa eitt prósent af sínum launum til góðgerðarmála en eins og flestir vita fá knattspyrnumenn vel borgað.
Margir íþróttamenn og ekki bara knattspyrnumenn hafa tekið þátt í verkefni Mata síðan það fór af stað.
Alls eru 426 íþróttamenn í samtökunum og má nefna knattspyrnumenn eins og Kasper Schmeichel, Giorgio Chiellini og Mats Hummels.
Mata fékk afhent verðlaun frá spænsku konungsfjölskyldunni í dag fyrir þetta fallega framtak.
Sofia drottning sá sjálf um að afhenda Mata viðurkenninguna en athöfnin átti sér stað í Madríd.
Myndir af þessu má sjá hér.