fbpx
Mánudagur 21.janúar 2019
433Sport

Stjörnuprýtt lið Liverpool vildi fá Rúnar: ,,Þá ákvað ég að ég vildi ekki fara þangað“

Victor Pálsson
Föstudaginn 11. janúar 2019 20:00

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Gestur þáttarins að þessu sinni er Rúnar Kristinsson, leikjahæsti landsliðsmaður í sögu Íslands.

Rúnar fékk ótrúlegt tækifæri ungur að aldri er hann fékk að æfa með enska stórliðinu Liverpool.

Það endaði með því að Liverpool vildi fá Rúnar í sínar raðir en hann ákvað að lokum að hafna félaginu.

,,Það er minn klúbbur. Það var meiriháttar. Það kom nú til vegna sambanda Liverpool og KR eftir að þeir spiluðu Evrópuleikinn fræga,“ sagði Rúnar.

,,Það voru enn góð sambönd á milli félaganna en þeir ákváðu að úr því að þeir ætluðu að fá mig í heimsókn þá sendu þeir njósnara sinn að fylgjast með mér með U21 landsliðinu. Þar var ég 18 eða 19 ára að spila gegn Hollandi.“

,,Ron Yeats sem var yfirnjósnari þeirra kom og horfði á mig og við flugum svo saman til Liverpool eftir leikinn. Ég skoraði sigurmarkið í 3-2 sigri á frábæru liði Hollendinga.“

,,Svo fór ég beint til Liverpool með honum og mér var hent inn á hótel og svo kom bara leigubíll á morgnanna og sótti mig sem skutlaði mér á æfingu. Ég fékk einhvern smá dagpening til að borga þessum blessaða leigubílstjóra.“

,,Ég var dálítið óheppinn, strax á annarri æfingu er ég með aðalliðinu á æfingu. Við vorum í stórum reitabolta þar sem það voru 20 leikmenn og þrír í miðjunni.“

,,Ég byrja í miðjunni eins og allir yngri leikmennirnir. Ég hafði ekki verið þarna nema i fimm mínútur eða eitthvað og þá lendi ég í tæklingu og sný upp á ökklann á mér og ég fer beint á sjúkrabekkinn með Ian Rush, Barry Venison og fleirum bara í meðhöndlun.“

,,Ég var að reyna að vinna boltann og teygði löppina í boltann. Um leið og ég kem fætinum í boltann þá er einn sem sparkar í hann og ég sný illilega upp á mig og tognaði.“

,,Það var Gary Ablett, hann var enginn fauti en ég man þetta allt saman. Ég náði mér ágætlega á nokkrum dögum og fer svo síðar til Þýskalands og spila með U21 landsliðinu í Þýskalandi og fer svo aftur til Liverpool.“

,,Ég æfi með þeim í nokkra daga eftir að ég kom til baka og spilaði leik með varaliðinu á Anfield. Kenny Dalglish var þjálfari þarna, þetta er síðast þegar Liverpool var Englandsmeistari árið 1989, þá æfi ég með þeim.“

,,Dalglish kallar mig inn á skrifstofu eftir leikinn og vildi fá mig til félagsins. Ég var á leið heim einum eða tveimur dögum seinna og hann ætlaði að hafa samband við KR sem hann gerði.“

,,Þá ákvað ég að ég vildi ekki fara þangað. Ég var eitthvað smeykur við þetta og þótti þetta skrítið. Þeir voru með útlendinga, þeir voru með Jan Molby og Craig Johnstone sem voru þessir tveir útlendingar og kannski einn í viðbót sem ég man ekki.“

,,Einhvern veginn var ég smeykur við að taka þetta skref. Siggi Jóns hafði farið til Arsenal og það voru erfiðir tímar þó að hann hafi staðið sig vel og endaði hjá Sheffield.“

,,Ég hélt að minn leikstíll myndi ekki henta á þessum tíma svo ég ákvað að bíða aðeins og hugsaði með mér að ég fengi gott tækifæri seinna.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Var handtekinn fyrir mánuði vegna ölvunnar: Skellti sér aftur út á lífið í gær

Var handtekinn fyrir mánuði vegna ölvunnar: Skellti sér aftur út á lífið í gær
433Sport
Í gær

Mourinho uppljóstrar loksins öllu: Var nálægt því að deyja þegar hann braut þessa reglu

Mourinho uppljóstrar loksins öllu: Var nálægt því að deyja þegar hann braut þessa reglu
433Sport
Í gær

Hólmar var duglegur í jólamatnum og fékk að heyra það úti á götu: Fæ svona stimpil á mig eins og Lovren

Hólmar var duglegur í jólamatnum og fékk að heyra það úti á götu: Fæ svona stimpil á mig eins og Lovren
433Sport
Fyrir 2 dögum

Arsenal vann gríðarlega mikilvægan sigur á Chelsea

Arsenal vann gríðarlega mikilvægan sigur á Chelsea
433Sport
Fyrir 2 dögum

Byrjunarlið Arsenal og Chelsea – Ramsey byrjar

Byrjunarlið Arsenal og Chelsea – Ramsey byrjar
433Sport
Fyrir 2 dögum

Ótrúleg dramatík og sjö mörk er Wolves vann Leicester

Ótrúleg dramatík og sjö mörk er Wolves vann Leicester
433Sport
Fyrir 2 dögum

Upphitun fyrir stórleik Arsenal og Chelsea: Sjáðu líkleg byrjunarlið, stuðla og fleira

Upphitun fyrir stórleik Arsenal og Chelsea: Sjáðu líkleg byrjunarlið, stuðla og fleira
433Sport
Fyrir 3 dögum

Brjálaðist eftir að hafa fengið sendingu frá Hólmari: ,,Er ekki allt í lagi!?“

Brjálaðist eftir að hafa fengið sendingu frá Hólmari: ,,Er ekki allt í lagi!?“