Valur tryggði sér Íslandsmeistaratitilinn í Pepsi-deild karla í dag er liðið spilaði við Keflavík á Origo-vellinum.
Valur var í kjörstöðu fyrir lokaumferðina sem fór fram í dag og þurfti að klára sitt verkefni til að tryggja dolluna.
Valsmenn höfðu að lokum betur sannfærandi 4-1 og hefur liðið nú unnið deildina tvö ár í röð.
Með Val leikur Sigurður Egill Lárusson en hann birti fallega færslu á Instagram síðu sína í dag.
,,Ótrúlega erfitt tímabil fyrir mig andlega og líkamlega því svo stoltur að hafa endað sem Íslandsmeistari. Þessi er fyrir þig elsku pabbi minn, veit þú fylgist með mér,“ skrifaði Sigurður.
Faðir Sigurðar lést í sumar og hefur hann því þurft að ganga í gegnum erfiða tíma en endar tímabilið sem sigurvegari.
Hér má sjá færsluna.