Jurgen Klopp, stjóri Liverpool, er gríðarlegur aðdáandi Maurizio Sarri, stjóra Chelsea en þessi lið mætast í deildarbikarnum á morgun.
Klopp heldur varla vatni yfir Sarri sem hefur gjörbreytt liði Chelsea síðan hann tók við í sumar.
Chelsea er byrjað að spila fallegan sóknarbolta undir stjórn Ítalans sem hefur ekki fengið mikinn tíma til að vinna með.
,,Þetta er stærsta breyting sem ég hef séð á liði á svona stuttum tíma,“ sagði Klopp.
,,Wow. Leikstíllinn þeirra er allt öðruvísi. Þvílíkur þjálfari sem hann er, ef ég á að vera hreinskilinn.“
,,Ég hef verið aðdáandi hans síðan ég sá hann hjá Napoli. Hann spilar stórkostlegan fótbolta og gerir það núna þrátt fyrir erfitt undirbúningstímabil.“
,,Eden Hazard var ekki mættur sem og N’Golo Kante og Olivier Giroud. Svo byrjar tímabilið og þú sérð breytingarnar strax? Hann fær alla mína virðingu.“
