Valsmönnum tókst ekki að tryggja sér Íslandsmeistaratitilinn í kvöld er liðið mætti FH í næst síðustu umferð.
Valur þurfti að sætta sig við 2-1 tap í Hafnarfirði en Eddi Gomes tryggði liði FH sigur með marki í uppbótartíma!
Valur er með 43 stig á toppi deildarinnar eftir tapið. Bæði Stjarnan og Breiðablik eiga möguleika í lokaumferðinni ef Valsmenn misstíga sig gegn Keflavík.
Þeir grænu kláruðu sitt verkefni á sama tíma en Blikar unnu Fjölni 2-0. Fjölnir er fallið niður um deild eftir leiki dagsins. Blikar eru tveimur stigum á eftir Val þegar einn leikur er eftir.
Fjölnir þurfti að ná í stig gegn Blikum ef Fylkir myndi ná í stig gegn KR og það er nákvæmlega það sem þeir appelsínugulu gerðu. Fylkir gerði 1-1 jafntefli við KR í Vesturbænum.
Stjörnunni mistókst að setja alvöru pressu á Val fyrir lokaumferðina en liðið tapaði 2-1 gegn ÍBV eftir að hafa komist yfir. Stjarnan er þremur stigum á eftir Val fyrir lokaumferðina.
Botnlið Keflavíkur kom þá engum á óvart og tapaði sínum 17. leik í sumar. Víkingur Reykjavík hafði betur 4-0 á Nettó-vellinum.
Fjörugasti leikur dagsins var þá á Akureyri þar sem KA hafði betur gegn Grindavík 4-3 þar sem spilað var upp á skemmtunina.
Efstu þrjú liðin fyrir lokaumferðina:
Valur – 43 stig
Breiðablik – 41 stig
Stjarnan – 40 stig
FH 2-1 Valur
1-0 Jakup Thomsen(58′)
1-1 Patrick Pedersen(83′)
2-1 Eddi Gomes(93′)
Fjölnir 0-2 Breiðablik
0-1 Gísli Eyjólfsson(10′)
0-2 Oliver Sigurjónsson(39′)
ÍBV 2-1 Stjarnan
0-1 Hilmar Árni Halldórsson(víti, 23′)
1-1 Sindri Snær Magnússon(62′)
2-1 Víðir Þorvarðarson(67′)
KR 1-1 Fylkir
1-0 Björgvin Stefánsson(53′)
1-1 Oddur Ingi Guðmundsson(84′)
Keflavík 0-4 Víkingur R.
0-1 Geoffrey Castillion(48′)
0-2 Geoffrey Castillion(79′)
0-3 Örvar Eggertsson(90′)
0-4 Geoffrey Castillion(95′)
KA 4-3 Grindavík
1-0 Hallgrímur Mar Steingrímsson(6′)
2-0 Daníel Hafsteinsson(15′)
3-0 Elias Tamburini(sjálfsmark, 17′)
3-1 Sam Hewson(20′)
3-2 Sam Hewson(30′)
4-2 Hallgrímur Mar Steingrímsson(33′)
4-3 Sam Hewson(74′)
