Richarlison, leikmaður Everton, hefur viðurkennt það að hann sé mikill aðdáandi Neymar, leikmanns Paris Saint-Germain.

Richarlison hefur tekið stórt stökk á stuttum tíma og er nú orðinn partur af brasilíska landsliðinu.

Hann viðurkennir það að hann hafi lengi viljað vera eins og Neymar og reyndi á meðal annars að herma eftir hárgreiðslu landa síns.

,,Neymar hefur verið fyrirmynd mín síðan ég var krakki. Ég hef alltaf fylgst mikið með honum og reynt að vera eins og hann,“ sagði Richarlison.

,,Ég hef jafnvel reynt að herma eftir hárgreiðslunni hans! Ég vildi vera með eins hanakamb og hann en var ekki með réttu græjurnar og eftir fimm mínútur þá fór hárið niður.“

,,Þegar við vorum í hádegismat með landsliðinu þá sagði ég honum frá þessu og allir fóru að hlæja. Þeim fannst þetta drepfyndið. Að spila með honum var ógleymanlegt.“