Eins og greint var frá fyrir stuttu þá er mikil óvissa í kringum leik Hugins og Völsungs sem á að fara fram í dag.
Leikurinn átti að vera endurtekinn klukkan 16:30 í dag en leikur liðanna sem var spilaður í ágúst var á dögunum gerður ógildur eftir dómaramistök.
Í tilkynningu KSÍ var greint frá því að leikurinn skildi fara fram á Seyðisfjarðarvelli, heimavelli Hugins.
Í dag ákvað KSÍ hins vegar að færa leikinn yfir á Fellavöll á Egilsstöðum eftir að hafa fengið símtal frá Huginn í hádeginu.
Birkir Sveinsson, mótastjóri KSÍ, ræddi við Huginn fyrr í dag og þar sagði félagið Seyðisfjarðarvöll vera óleikhæfan. KSÍ mun taka málið upp á morgun.
Mikil umræða um máli hefur verið á Twitter en hana má sjá hér að neðan.
Völsungi verður dæmdur 3-0 sigur, Huginn mun fá sekt út á við sem KSÍ mun aldrei rukka félagið um enda málið farsi frá upphafi til enda. Svona er ég að lesa í bollann minn
— Hörður S Jónsson (@hoddi23) September 19, 2018
Dæma þetta Hugins rusl í 10 ára bann frá KSÍ. Ekkert að þakka.
— Kristján Óli Sigurðsson (@kristjanoli) September 19, 2018
Út frá niðurstöðu dómsútskurðar vinnur Huginn þægilegan 3-0 sigur. Tekið fram með orðum að leikurinn verði að vera leikinn á Seyðisfjarðarvelli. Ef að Seyðisfjarðarvöllur hefur verið oleikfær hefði þurft að finna nýjan leiktíma en ekki nýjan leikstað. @Fotboltinet
— Samúel Samúelsson (@SSamelsson) September 19, 2018
Þetta er svo brjálæðislegt power play að það hálfa væri nóg…..þetta mál er orðið alveg yndislega farsakennt. https://t.co/GLyE2XgDYM
— Hrafn Kristjánsson (@ravenk72) September 19, 2018
Huginn- Völsungur er sennilega á top 10 lista yfir stærstu klúður KSÍ, en er Huginn ekki að fokka í okkur öllum núna?
— Einar Gudnason (@EinarGudna) September 19, 2018
Nokkuð ljóst að Huginn fær þrjú stig úr þessu bíói.
Reikna með að mótanefnd KSÍ hafi ekki heimild til að taka fram fyrir hendurnar á áfrýjunardómstóli sambandsins og þar með mega þeir ekki breyta leikstað. Þeir hefðu getað breytt leiktíma.
— Fridjon Gunnlaugsson (@fridjong) September 19, 2018
Lærdómur af Huginn – Völsungur málinu:
Næst þegar dómari gerir mistök í leik KR vegna víti sem var ekki dæmt eða mark ekki dæmt (Breiðablik – KR fyrr í sumar), þá verður KSÍ að endurtaka leikinn vegna kæru og passa svo að fylgja dómnum 150%#fotboltinet #pepsideildin #ruglið
— Hafþór Gerhardt (@hafthorgh) September 19, 2018