Það fór fram stórleikur í Meistaradeild Evrópu í kvöld er lið Liverpool fékk Paris Saint-Germain í heimsókn.
Það var boðið upp á dramatík á Anfield en heimamenn í Liverpool komust í 2-0 með mörkum frá Daniel Sturridge og James Milner.
PSG gafst hins vegar ekki upp og jöfnuðu metin í 2-2. Thomas Meunier skoraði fyrra markið áður en Kylian Mbappe bætti við öðru.
Það var svo Roberto Firmino sem tryggði Liverpool sigur í uppbótartíma en hann hafði komið inná sem varamaður. Lokastaðan 3-2 fyrir heimamönnum.
Atletico Madrid vann sigur á Monaco á sama tíma en leikurinn fór fram í Monaco.
Heimamenn tóku forystuna snemma leiks en þeir Diego Costa og Jose Gimenez tryggðu Atletico sigur.
Red Star frá Serbíu náði í afar góð úrslit gegn Napoli en þeim leik lauk með markalausu jafntefli.
Schalke og Porto gerðu einnig jafntefli 1-1, Borussia Dortmund vann Club Brugge 1-0 og Galatasaray vann auðveldan 3-0 sigur á Lokomotiv Moskvu.
Liverpool 3-2 PSG
1-0 Daniel Sturridge(30′)
2-0 James Milner(36′)
2-1 Thomas Meunier(40′)
2-2 Kylian Mbappe(83′)
3-2 Roberto Firmino(92′)
Red Star 0-0 Napoli
Monaco 1-2 Atletico Madrid
1-0 Samuel Grandsir(18′)
1-1 Diego Costa(31′)
1-2 Jose Gimenez(45′)
Schalke 1-1 Porto
1-0 Breel Embolo(64′)
1-1 Otavio(víti, 75′)
Club Brugge 0-1 Borussia Dortmund
0-1 Christian Pulisic(85′)
Galatasaray 3-0 Lokomotiv Moskva
1-0 Garry Rodrigues(9′)
2-0 Eren Derdiyok(67′)
3-0 Selcuk Inan(víti, 94′)