Valur 5-1 ÍBV
0-1 Atli Arnarson(20′)
1-1 Patrick Pedersen(55′)
2-1 Haukur Páll Sigurðsson(59′)
3-1 Patrick Pedersen(61′)
4-1 Patrick Pedersen(65′)
5-1 Guðjón Pétur Lýðsson(88′)
Valur styrkti stöðu sína á toppi Pepsi-deildar karla í kvöld er liðið vann 5-1 sigur á ÍBV á Origo-vellinum.
Valsmenn lentu undir í fyrri hálfleik og voru það Eyjamenn sem voru með forystuna eftir fyrstu 45.
Allt annað Valslið mætti til leiks í síðari hálfleik og skoraði liðið fjögur mörk á stuttum kafla.
Patrick Pedersen jafnaði metin fyrir Val á 55. mínútu leiksins áður en Haukur Páll Sigurðsson bætti við öðru fjórum mínútum síðar.
Pedersen var svo aftur á ferðinni tveimur mínútum síðar og bætti svo strax við sínu þriðja marki eftir það og kom Val í 4-1. Hann er nú markahæsti leikmaður deildarinnar með 16 mörk.
Guðjón Pétur Lýðsson skoraði svo fimmta mark Vals undir lokin og vann liðið að lokum öruggan 5-1 sigur.
Valur er nú á toppnum með 43 stig, fjórum stigum á undan Stjörnunni. ÍBV situr í áttunda sæti með 23 stig og getur enn fallið í Inkasso-deildina. Liðið er fjórum stigum frá fallsæti.