Gary Lineker, fyrrum framherji enska landsliðsins, hefur beðið James Milner, leikmann Liverpool afsökunar.
Milner átti mjög góðan leik í dag er Liverpool vann Tottenham 2-1 en hann spilar stórt hlutverk undir stjórn Jurgen Klopp.
Lineker setti inn Twitter færslu eftir leikinn þar sem hann baðst afsökunar á færslu sem hann birti fyrir nokkru síðan.
Í þeirri færslu þá sagði Lineker að hann væri ekki viss hvað Milner væri á fótboltavellinum eða hvað hann hefði upp á að bjóða.
Hann hefur nú algjörlega breytt þeirri skoðun og er mikill aðdáandi leikmannsins í dag.
,,Ég setti einu sinn inn færslu þar sem ég talaði um að ég vissi ekki alveg hvað @JamesMilner væri á vellinum,“ sagði Lineker.
,,Ég veit það í dag og ég skulda honum afsökunarbeðni. Hann er frábær, fjölhæfur og gáfaður fótboltamaður. Mín mistök.“
I once tweeted that I didn’t really know what @JamesMilner was on the football pitch. I do these days, and owe him an apology. He’s a terrific, versatile and intelligent footballer. My bad.
— Gary Lineker (@GaryLineker) 15 September 2018