Það var hart barist á Laugardalsvelli í kvöld er Stjarnan og Breiðablik áttust við í hörkuleik.
Um var að ræða úrslitaleik Mjólkurbikarsins þetta árið og voru það Stjörnumenn sem höfðu betur að lokum.
Ekkert mark var skorað í venjulegum leiktíma og ekki í framlengingu og hafði Stjarnan að lokum betur eftir vítakeppni.
Hér má sjá það góða og slæma úr leiknum.
Plús:
Gunnleifur Gunnleifsson, markvörður Breiðabliks er ótrúlegt eintak. 43 ára gamall en sjaldan verið betri, átti eina ótrúlega vörslu í fyrri hálfleik. Varsla í heimsklassa. Hann tók svo aðra á síðustu mínútu uppbótartíma, biluð frammistaða.
Í marki Stjörnunnar var Haraldur Björnsson sem gerði einnig vel þegar Stjarnan þurfi á honum að halda. Frábær varsla frá Arnóri Gauta í vítaspyrnukeppninni.
Stemmingin á vellinum var góð, veðrið var ekki merkilegt en úrslitaleikur í flóðljósum var hressandi.
Þóroddur Hjaltalín, dómari leiksins var frábær í leiknum.
Sigur Stjörnunnar var í raun verðskuldaður að lokum, fengu fleiri hættuleg færi til að vinna leikinn.
Mínus:
Óttinn við að tapa var meiri en viljinn til að vinna og þess vegna var leikurinn hálf leiðinlegur á stórum kafla framan af leik.
Guðjón Baldvinsson fór afar illa með frábært færi þegar rúmar tíu mínútur voru til leiksloka. Var mjög illa klárað.
Það voru vonbrigði að sjá tvo hæfileikaríkustu leikmenn vallarins, Hilmar Árna Halldórsson og Gísla Eyjólfsson oft týnda í leiknum. Gisli sást stundum en Hilmar minna.
Það var allt ósannfærandi við aðhlaup Olivers Sigurjónssonar í vítaspyrnukeppninni, var stressaður og skaut langt yfir.