433Sport

Hörmungarbyrjun Hamren – Kemur illa út í samanburði við þjálfara síðustu ára

Hörður Snævar Jónsson
Föstudaginn 14. september 2018 09:30

Það byrjar ekki vel hjá Erik Hamren, þjálfara íslenska karlalandsliðsins í fótbolta, en fyrsta verkefni hans með hópinn er á enda. Íslenska liðið var rassskellt í fyrsta leik Hamrens. Sá leikur fór fram ytra gegn Sviss og tapaðist 6-0. Hamren stýrði svo sínum fyrsta heimaleik í vikunni og unnu Belgar nokkuð auðveldan 0-3 sigur. Byrjun Hamrens er slæm og ef síðustu 20 ár eru skoðuð þá kemur Hamren ekki vel út.

Mistök í sínum fyrsta landsleik
Hamren gerði sig sekan um mistök í sínum fyrsta landsleik og hefur í raun viðurkennt þau. Hann spilaði með leikkerfið, 4-4-2 í tapinu gegn Sviss. Íslenska liðið var undirmannað á miðsvæðinu sem varð til þess að vörnin fékk afar mörg áhlaup á sig. Fjarvera lykilmanna hefur heldur ekki hjálpað Hamren í byrjun. Jóhann Berg Guðmundsson og Aron Einar Gunnarsson leika í ensku úrvalsdeildinni og misstu af báðum leikjunum, Alfreð Finnbogason hefur verið duglegur að skora fyrir liðið og leikur í þýsku úrvalsdeildinni, hann gat ekki tekið þátt í verkefninu. Emil Hallfreðsson, sem leikur í úrvalsdeildinni á Ítalíu, missti af fyrri leiknum, það sást svo gegn Belgíu hvað hann hjálpar liðinu mikið. Íslenska liðið má illa við því að missa menn í meiðsli og hvað þá þegar um er að ræða fjóra af þeim fimm leikmönnum sem leika í fjórum sterkustu deildum í heimi.

Hamren var sáttur þrátt fyrir tap
Hamren var ánægður með landsliðið í leiknum gegn Belgíu þrátt fyrir um væri að ræða fyrsta tap liðsins á heimavelli, í keppnisleik, frá því í júní árið 2013. „Við get­um verið sátt­ir við frammistöðuna á móti einu besta liði í heimi. Þeir spila góðan fót­bolta. Það eina sem ég var ekki sátt­ur við var að skora ekki mark. Við unn­um eins og lið í 90 mín­út­ur, ólíkt því sem við gerðum á móti Sviss. Þar vor­um við 11 ein­stak­ling­ar. Við verðum að spila sem lið á móti liði eins og Belg­íu. Þú getur verið sigurvegari þrátt fyrir að tapa.

Erfiðasta byrjun sem þjálfari gat fengið
Fyrstu fimm leikir Hamrens í starfi eru þeir erfiðustu sem íslenskur landsliðsþjálfari hefur fengið. Tveir leikir gegn Belgíu, næstbestu knattspyrnuþjóð í heimi, Sviss, sem er áttunda besta landslið í heimi, og æfingarleikur gegn Frakklandi sem eru heimsmeistarar. „Ég vissi að fyrstu fimm leik­irn­ir væru erfiðir. Frakk­ar, Belg­ar tvisvar og Sviss tvisvar. Við verðum að reyna að spila vel og ná í úr­slit og verða eitt af tíu bestu liðunum fyr­ir drátt­inn í undan­keppni EM.“

Kemur illa út í samanburði
Í samanburði við þá átta þjálfara sem stýrt hafa landsliðinu í 21 ár þá kemur Hamren illa út. Um er að ræða samanburð úr keppnisleikjum en flestir af þessum þjálfurum fengu æfingarleiki til að byrja með. Það er hægt að finna til með Hamren en á móti kemur þá tekur hann við besta íslenska landsliði sem við höfum átt. Aðeins Atli Eðvaldsson hefur ekki náð í stig í fyrstu tveimur leikjum sínum í starfi síðustu ár.


Erik Hamren – 2018
Sviss 6-0 Ísland
Ísland 0-3 Belgía
Stigafjöldi – 0
Markatala = 9 mörk í mínus


Heimir Hallgrímsson – 2016
Úkraína 1-1 Ísland
Ísland 3-2 Finnland
Stigafjöldi – 4
Markatala = Eitt mark í plús


Lars Lagerbäck – 2012
Ísland 2-0 Noregur
Kýpur 1-0 Ísland
Stigafjöldi – 3
Markatala = Eitt mark í plús


Ólafur Jóhannesson 2007/2008
Danmörk 3-0 Ísland
Noregur 2-2 Ísland
Stigafjöldi – 1
Markatala = Þrjú mörk í mínus


Eyjólfur Sverrisson – 2006
Norður-Írland 0-3 Ísland
Ísland 0-2 Danmörk
Stigafjöldi – 3
Markatala = Eitt mark í plús


Logi Ólafsson og Ásgeir Sigurvinsson – 2003
Ísland 2-1 Færeyjar
Litháen 0-3 Ísland
Stigafjöldi – 6
Markatala = Fjögur mörk í plús


Atli Eðvaldsson – 2000
Ísland 1-2 Danmörk
Tékkland 4-0 Ísland
Stigafjöldi – 0
Markatala = Fimm mörk í mínus


Guðjón Þórðarson – 1997
Liechtenstein 0-4 Ísland
Ísland 2-4 Írland
Stigafjöldi – 3
Markatala = Tvö mörk í plús

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Byrjunarlið Manchester City og Manchester United – Pogba ekki í hóp

Byrjunarlið Manchester City og Manchester United – Pogba ekki í hóp
433Sport
Í gær

Byrjunarliði Manchester United lekið á netið – Getur þetta lið unnið City?

Byrjunarliði Manchester United lekið á netið – Getur þetta lið unnið City?
433Sport
Fyrir 2 dögum

Segist ekki hafa móðgað Mourinho – ,,Þetta var bara óþarfi hjá honum“

Segist ekki hafa móðgað Mourinho – ,,Þetta var bara óþarfi hjá honum“
433Sport
Fyrir 2 dögum

Hörður var sleginn eftir að Eiður Smári svaraði honum fullum hálsi: ,,Hörður Magnússon hefur alltaf litið út fyrir að vera saddur“

Hörður var sleginn eftir að Eiður Smári svaraði honum fullum hálsi: ,,Hörður Magnússon hefur alltaf litið út fyrir að vera saddur“
433Sport
Fyrir 3 dögum

Erik Hamren: Okkur er refsað

Erik Hamren: Okkur er refsað
433Sport
Fyrir 3 dögum

Blikar höfnuðu tilboði frá Ítalíu í Willum

Blikar höfnuðu tilboði frá Ítalíu í Willum