fbpx
Þriðjudagur 11.desember 2018
433Sport

Aron Einar spenntur fyrir komu Hamren: Við þurfum að halda í okkar gildi

Victor Pálsson
Þriðjudaginn 7. ágúst 2018 15:00

Svíinn Erik Hamren mun taka við íslenska karlalandsliðinu en hann verður kynntur til leiks á morgun.

Hamren er þekktastur fyrir það að hafa stýrt landsliði Svía í sjö ár en var síðast yfirmaður knattspyrnumála í Suður Afríku.

Aron Einar Gunnarsson, landsliðsfyrirliði, ræddi við Bítið á Bylgjunni í dag um fyrirhugaða ráðningu Hamren.

Aron segist vera spenntur fyrir komandi tímum og líst honum nokkuð vel á að fá annan Svía inn eftir góðan árangur Lars Lagerback með liðið.

,,Ég þekki hann ekkert, ég verð að segja alveg eins og er. Ég átti ágætis spjall við Guðna fyrir nokkrum dögum þar við spjölluðum um hann,“ sagði Aron í Bítinu.

,,Hann var búinn að tala við hann og heyra af honum og það hljómar bara mjög vel. Fólk hefur skoðun á þjálfurum rétt eins og leikmönnum. Maður treystir KSÍ fyrir þessu og það verður fróðlegt að sjá og ég er bara spenntur fyrir þessu og að vinna með öðrum Svía.“

,,Við þurfum að halda í okkar gildi, það er á hreinu. Við vitum hvað við erum góðir í. Það verða einhverjar breytingar, einhverjir ungir peyjar koma inn í þetta og við þurfum að sýna hvað við höfum gert til að ná þessum árangri og með nýjum þjálfara og áherslum þá bætum við okkur kannski í einhverju sem við höfum ekki verið nógu góðir í.“

,,Við þurfum klárlega að halda í okkar gildi, þau hafa alltaf verið þau sömu. Við kunnum á þau, það verður fróðlegt að sjá hvernig nýr þjálfari nær að krydda upp á þetta. Við þurfum að halda í okkar gildi í því sem við erum góðir í, föstum leikatriðum, varnarsinnaðir og að sækja hratt. Það sem hann bætir við verður svo bara að koma í ljós.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 2 dögum

Ógeðslegir kynþáttarfordómar á Stamford Bridge – Á leið í lífstíðarbann

Ógeðslegir kynþáttarfordómar á Stamford Bridge – Á leið í lífstíðarbann
433Sport
Fyrir 2 dögum

Mourinho fékk ekkert vatn: Erum við að spara fyrir janúar?

Mourinho fékk ekkert vatn: Erum við að spara fyrir janúar?
433Sport
Fyrir 2 dögum

Þorvaldur lék með einum grófasta leikmanni sögunnar: Hann var fínn drengur

Þorvaldur lék með einum grófasta leikmanni sögunnar: Hann var fínn drengur
433Sport
Fyrir 2 dögum

Þorvaldur lét fjarlægja nýra og gaf dóttur sinni: ,,Þarft ekki að hugsa þig lengi um þegar þú ert beðinn um svoleiðis lagað“

Þorvaldur lét fjarlægja nýra og gaf dóttur sinni: ,,Þarft ekki að hugsa þig lengi um þegar þú ert beðinn um svoleiðis lagað“
433Sport
Fyrir 3 dögum

Hótuðu að drepa Kjartan ef hann kæmi til Kaupmannahafnar

Hótuðu að drepa Kjartan ef hann kæmi til Kaupmannahafnar
433Sport
Fyrir 3 dögum

Besta íslenska landslið allra tíma: Tómas Þór velur sitt lið – ,,Besti varnarmaður besta íslenska landsliðs sögunnar er sjálfvalinn“

Besta íslenska landslið allra tíma: Tómas Þór velur sitt lið – ,,Besti varnarmaður besta íslenska landsliðs sögunnar er sjálfvalinn“