Jerome Boateng, leikmaður Bayern Munchen, vill komast burt frá félaginu í sumar og taka við nýrri áskorun.
Boateng staðfesti það sjálfur fyrr í sumar en hann hefur afrekað mikið hjá Bayern þar sem hann er fastamaður.
Steve Nicol, fyrrum varnarmaður Liverpool á Englandi, vonar þó að Jurgen Klopp, stjóri liðsins, reyni ekki að við Boateng í sumar.
Klopp er sagður vera á eftir varnarmanni en Nicol telur það of mikla áhættu að fá Boateng til félagsins.
,,Ég er ekki mikill aðdáandi. Undanfarna 12 mánuði þá hefur hann glímt við meiðsli og hefur ekki verið í standi. Svarið þessa stundina væri nei,“ sagði Nicol.
Boateng hefur verið orðaður við Manchester United í sumar en Klopp þekkir vel til hans eftir að hafa stýrt Borussia Dortmund í dágóðan tíma.