Romelu Lukaku, leikmaður Manchester United, hefur komið stjóra sínum, Jose Mourinho, til varnar.
Mourinho hefur legið undir gagnrýni á undirbúningstímabilinu fyrir að vera í slæmu skapi og hefur Portúgalinn kvartað mikið.
Lukaku segist þó sjá aðra persónu á bakvið tjöldin og segir að Mourinho sé yfirleitt mjög svalur.
,,Ég fæ að sjá allt aðra mynd af honum þar sem hann er mjög svalur,“ sagði Lukaku.
,,Fólk þarf að skilja það að við spilum þennan leik til að forðast tap. Við viljum vinna okkar leiki.“
,,Þegar við töpum þá verðuru reiður. Það er auðveldlega hægt að sjá á honum ef hann er reiður, ég held að það sé eðlilegt.“