Mino Raiola, umboðsmaður Paul Pogba, ákvað að birta athyglisverða Twitter-færslu í gær en hann tjáir sig þar um franska miðjumanninn.
Pogba hefur verið í umræðunni í sumar en hann er orðaður við brottför frá Manchester United. Barcelona er sagt hafa áhuga.
Margir hafa gagnrýnt Pogba síðustu daga og þá sérstaklega eftir 3-2 tap United gegn Brighton í ensku úrvalsdeildinni um helgina.
Það eru fáir sem hafa gagnrýnt Pogba eins mikið og Paul Scholes, fyrrum miðjumaður United, sem vinnur nú fyrir BT Sport.
Raiola setti fram Twitter-færslu í gær þar sem hann hvetur Scholes til þess að gerast yfirmaður knattspyrnumála hjá United.
Raiola telur að Scholes gæti sannfært Ed Woodward, stjórnarformann United, um að selja Pogba fyrst hann er ekki að standa undir væntingum.
Ítalinn greinir einnig frá því að það yrði alls ekki erfitt að selja leikmanninn og segir að það myndi ekki kosta hann svefn á næturnar.
Scholes gagnrýndi Pogba í gær og sagði hann ekki vera leikmanninn til að leiða lið United. Raiola ákvað einnig að svara þeim ummælum Scholes.
Paul Scholes should become sports director and advise Woodward to sell Pogba. Would be sleepless nights to find Pogba a new club @paulpogba
— Mino Raiola (@MinoRaiola) 21 August 2018
Some people need to talk for fear of being forgotten. Paul Scholes wouldn’t recognize a leader if he was in front of Sir Winston Churchill. @paulpogba
— Mino Raiola (@MinoRaiola) 21 August 2018