Arsenal tapaði 3-2 gegn Chelsea í ensku úrvalsdeildinni um helgina en liðin áttust við á Stamford Bridge.
Boðið var upp á fjörugan leik í London en Chelsea komst í 2-0 áður en gestirnir svöruðu fyrir sig og jöfnuðu í 2-2. Sigurmark Chelsea gerði svo Marcos Alonso í seinni hálfleik.
Jamie Redknapp, sparkspekingur Sky Sports, hefur áhyggjur af Arsenal og segir að ekki einn leikmaður liðsins kæmist í byrjunarlið Chelsea.
,,Arsenal sýndi kannski baráttu í að koma til baka gegn Chelsea en þetta 3-2 tap setur aðeins pappír yfir rifurnar,“ sagði Redknapp.
,,Ef ég horfi á þetta Arsenal lið þá hefði ekki einn leikmaður þarna komist í besta lið Maurizio Sarri. Það er engin samvinna á milli Shkodran Mustafi og Sokratis í vörninni.“
,,Cesar Azpilicueta er betri varnarlega og sóknarlega en Hector Bellerin og Marcos Alonso hefur verið flottur síðan hann spilaði fyrst árið 2016.“
,,Kepa Arrizabalaga hefði getað gert betur er Henrikh Mkhitaryan skoraði fyrra mark Arsenal en ég væri frekar til í að hafa ungan markvörð sem getur spilað boltanum en Petr Cech sem var í vandræðum. Það var svo engin samkeppni á miðjunni.“