Rúnar Alex Rúnarsson var á sínum stað í dag er lið Dijon mætti Nantes í frönsku úrvalsdeildinni.
Rúnar hefur byrjað báða deildarleiki Dijon til þessa en hann fékk á sig eitt mark í sigri á Montpellier í fyrstu umferð.
Rúnar hélt svo hreinu í leik kvöldsins er Dijon vann góðan 2-0 heimasigur á Nantes í annarri umferð.
Kolbeinn Sigþórsson var hvergi sjáanlegur hjá Nantes sem er án stiga eftir fyrstu tvær umferðirnar.
Rúnar var valinn í lið vikunnar hjá L’Equipe fyrir fyrstu umferð deildarinnar og var frammistaða hans í kvöld einnig góð.