Gus Poyet hefur tímabundið verið settur í bann af franska félaginu Bordeaux en hann tók við liðinu fyrr á árinu.
Poyet er brjálaður út í stjórn Bordeaux sem ákvað að selja framherjann Gaetan Laborde til Montpellier í sumar.
Poyet hraunaði yfir eigið félag á blaðamannafundi á dögunum og er í raun óvíst hvort hann snúi aftur til starfa en hann hefur verið settur í viku langt bann.
,,Ég er ekki ánægður. Þetta er einn af mínum verstu dögum hjá félaginu. Það sem félagið gerði við Gaetan Laborde er skandall,“ sagði Poyet.
,,Við verðum að stoppa hérna. Ég sagði félaginu að leyfa honum ekki að fara fyrr en við fengum inn mann í staðinn.“
,,Þeir ákváðu að gera það ekki og leyfðu honum að fara. Ég kom hingað 11:35 í hádeginu og hann var ekki hérna heldur í Montpellier. Enginn sagði mér neitt.“
,,Hef ég einhverja löngum til þess að halda áfram? Nei. Þeir hafa gert mér, stuðningsmönnunum og leikmönnunum þetta.“