Diego Costa, leikmaður Atletico Madrid, hefur greint frá því hvað hann sagði við Diego Simeone áður en hann gekk aftur í raðir liðsins síðasta sumar.
Costa var í tvö tímabil hjá Chelsea en Antonio Conte ákvað að losa sig við leikmanninn á síðasta ári.
Costa var ekki lengi að fara aftur heim til Atletico og voru skilaboðin skýr til þjálfarans Simeone.
,,,Ég sagði Cholo [Simeone] að ef hann ætlaði sér að vinna titla þá þyrfti hann að kaupa mig,“ sagði Costa.
,,Við reynum alltaf að vinna titla fyrir stuðningsmennina, þeir eru bestir. Þú verður að berjast, leggja hart að þér og hafa trú á verkefninu í öllum leikjum.“