Stjarnan 1-2 Breiðablik
0-1 Berglind Björg Þorvaldsdóttir(18′)
0-2 Guðrún Arnardóttir(36′)
1-2 Telma Hjaltalín Þrastardóttir(87′)
Breiðablik er bikarmeistari kvenna þetta árið en liðið mætti Stjörnunni í úrslitum á Laugardalsvelli í kvöld.
Sama viðureign fer fram í kvenna og karlaflokki en Stjarnan og Breiðablik mætast einnig í úrslitum karla þann 15. september næstkomandi.
Blikar byrjuðu leik kvöldsins vel en Berglind Björg Þorvaldsdóttir skoraði fyrsta mark leiksins eftir mistök í vörn Stjörnunnar.
Guðrún Arnardóttir bætti svo við öðru marki fyrir Blika fyrir lok fyrri hálfleiks og staðan í leikhléi, 2-0.
Telma Hjaltalín Þrastardóttir lagaði stöðuna fyrir Stjörnuna undir lok leiksins en það dugði ekki til og Blikar því bikarmeistarar 2018.